Qubad Talebanî: Çi gefek li ser bazarê nîne

Nivîsgeha Ragihandina Qubad Talebanî

Qubad Talebanî, Cîgirê Serokwezîr

Qubad Talebanî Cîgirê Serokwezîr li Silêmaniyê bi hejmarek bazirganên xwarinê re civiya daku rewşa bazarê piştrast bike û pêdiviyên bingehîn yên welatiyan dabîn bike.

Di civîna roja Pêncşemê (12/03/2026)an de, Cîgirê Serokwezîr ragiand ku, ewê hemû tedbîrên pêwîst bigirin daku xwarin û pêdiviyên bingehîn yên welatiyan dabîn bikin û tekez kirin dê dayîn bi destkarîkirina bihayan û zêdekirina buhayê pêdiviyên xelkê.

Piştî gotûbêjkirina li ser tedbîran, bazirganan ji Qubad Talebanî re piştrast kirin ku xwarin û pêdiviyên bingehîn yên welatiyan li depoyên Silêmaniyê têne dabînkirin û çi metirsiyek li ser bazarê nîne.

Derbarê hawirdekirina xwarinê ji bo pêşerojê jî, Qubad Talebanî amadebûna hikûmetê ji bo dabînkirina her cûre alîkarî û hêsankariyan ji bazirganan re nîşan da.

Di beşek din ya civînê de, behsa karê ji bo zêdekirina hilberîna navxweyî û dirustkirina kargehên nû di pîşesaziya xwarinê de hate kirin.

Di vî warî de, piştî gotûbêjeke berfireh, li ser hindek tedbîrên pêwîst biryar hat dayîn ku hikûmet û kerta taybet divê bi hevre di dirustkirina hejmarek kargehên nû de hevkariyê bikin, di vê çarçoveyê de, Qubad Talebanî amadebûna xwe û hikûmet nîşan da ku hêsankariyên pêwîst ji bo veberhêner û karsazan peyda bikin.

PUKMEDIA