Ji ber dorpêçê rewşa tenduristiyê li Kobanê xirabtir bûye

PUKMEDIA

Kobanê

Ji 20ê Çile ve, bajarê Kobanê di bin dorpêçeke tund de ye, ku ji ber kêmbûna kelûpel û alavên bijîşkî, krîza tenduristiyê ya li nexweşxaneyên wê, roj bi roj girantir dibe.

Li gel peymana 29ê Çile ya di navbera Hêzên Sûriyeya Demokratîk (HSD) û Hikûmeta Demkî ya Sûriyeyê de, Kobanê ji wê rojê ve di bin dorpêçeke dijwar de ye. Ehmed Mehmûd, hevserokê desteya tenduristiyê ya bajêr, rewşa tenduristiyê ya di bin dorpêçê de vegot.

Mehmûd di daxuyaniyekê de ji Ajansa Nûçeyan a Hawarê re rave kir ku dorpêça Kobanê pêncî roj in berdewam dike û got, Ji 20ê Çile ve Kobanê di bin dorpêçeke dijwar de ye. Di vê heyamê de tenê dermanên ku ji hêla hin rêxistinên mirovî ve hatine şandin ketine bajêr, û ew mîqdar jî kême û têrê nakin. Ji ber koçberbûna hemî niştecihên gundên derdora Kobanê ber bi navenda bajêr ve ji ber êrîşan, zext li ser nexweşxaneyên bajêr zêde bûye. Tenê Nexweşxaneya Kobanê rojane nêzîkî 800 nexweşan werdigire. Navendên tenduristiyê yên me yên li Celbelî, Kerk, Sirîn û Qedrî jî ji ber talankirin û êrîşên ku ji hêla komên girêdayî Hikûmeta Demkî ya Sûriyeyê ve têne kirin, ji erk derketine.


PUKMEDIA