Karwan Gezneyî: Pêşanîya Serok Bafil û YNKê baştirkirina jiyana welatiyan e

PUKMEDIA

Karwan Gezneyî, Berdevkê Yekîtîya Niştimanîya Kurdistanê

Karwan Gezneyî, Berdevkê Yekîtîya Niştimanîya Kurdistanê ragihand ku, Pêşîniya Serok Bafil û hizba wî baştirkirina jiyana welatiyên herêmê ye û YNK piştrast dike ku hemû kadro dê di guhertinan de cih bigirin û kes dê neyê qutkirin, hevdem xizmên şehîdan, kêmendamên çeperan, qurbaniyên Enfalê, ciwan û kesên xwedî bawername dê beşdarî guhertinên pêşerojê bibin.

Karwan Gezneyî, Berdevkê Yekîtîya Niştimanîya Kurdistanê di kongreyek rojnamevanyê de ragihand ku, her wekî ku me berê ragihandibû, piştî Hilbijartina Civata Nûneran ya Îraqê, YNK dê li ser bingeha siza û padeştê dest bi guhertinan di organên xwe de bike ku armanc ew e ku xwe li gorî mercên siyasî, civakî, aborî û ewlehiyê biguncînin, ku ev ji bo karûbarên hizbî pêwîst e, di heman demê de guhertin her tim beşek ji YNKê bûye.

Her wiha got:Yekîtiya Niştîmanî ya Kurdistanê (YNK) her tim nûjenkirinê wekî pêşanî dîtiye, ji ber vê yekê armanceke din ya guhertinan ji nû ve avakirina organên YNKê ye,di demekê de ku, hizib, bi serokatiya Serok Bafil Celal Talabanî, pêngavên mezin avêtine ji bo nûjenkirin û dirustkirina peywendiêan dîplomatîk ji bo berjewendiya gelê me avêtiye.

Kawan Gezneyî got: Guhertin yekbûna hin mektebên YNKê û dirustkirina hejmarek saziyên nû yên wekî mekteba Karûbarên Rêxistinî û çend desteyên rêxistinî li xwe digire, di heman demê de, xizmên serbilind yên şehîdan, kêmendamên çeperan û qurbaniyên Enfalê dê di guhertinên pêşerojê de pêşîniya hizba me bin.

Navbirî got:YNKê dê bibe platformek ji bo anîna pêş ciwanan, bi riya tevlihevkirina ciwanan û ezmûna şoreşgerî dê guhertinan pêk bîne, di heman demê de, YNKê dixwaze bi anîna kesên jêhatî û bi rihekî nû yê karkirin û  guhertinan bike.

Berdevkê Yekîtiya Niştimanî ya Kurdistanê (YNK) got:Tê gotin ev pêngav hewldanek e ji bo qutkirina hindek kadroyan û dûrxistina wan, weke YNK, em ji hemû organ, endam û alîgirên xwe re piştrast dikin ku guhertin dê ewqas mezin bin ku hemû kadro dê werin guhertin û YNKê mala mezin e û kes ji wê zêdetir nîne û çi kesek ji nan nayê qutkirin.

Her weha got: Hevdîtina di navbera Birêz Masûd û Birêz Bafil de civînek pir erênî bû, her çend çi rêkeftinek çênebûye, lê, gotûbêj li ser pirsgirêkên ewlehî, aborî û siyasî yên heyî yên li herêmê û çawaniya dîtina çareseriyan ji bo pirsgirêkên neteweyî yên bilind bûn, di heman demê de parastina Herêma Kurdistanê mijara herî girîng e û her du alî jî li hev dikin ku xelkê Herêma Kurdistanê şayanê jiyaneke baş in.

Gezneyî aşkere kir ku di civîna îro ya Civata Serkirdayetiyê de ev hemû mijarên girîng hatine gotûbêj kirin.

Hevdem Karwan Gezneyî Berdevkê Yekîtîya Niştimanî ya Kurdistanê (YNK) di bersiva rojnamevaniyê de ragihand ku, jiyan û mercên dijwar yên welatiyan me neçar kiriye ku em hemû hewldanên xwe ji bo gihîştina rêkeftinek konkret û xizmetkirina rastîn ya gelê Kurdistanê zêde bikin, weke YNK, em rêz li wê coşa neteweyî ya ku hatiye afirandin digirin û me bi tevahî piştgirî daye wê.

PUKMEDIA