Li Cinêvê danûstanên cuda li ser Ukrayna û Îranê dê bên kirin

Ajansa Nûçeyan ya Qeterê

Nûnerê taybet yê Amerîkî Steve Witkoff, Jared Kushner û Wezîrê Derve yê Omanê Bedir Bin Hemed El-Busaîdî di civîneke berê ya li ser Îranê de.

Nûnerê taybet yê Amerîkî Steve Witkoff, Jared Kushner û Wezîrê Derve yê Omanê Bedir Bin Hemed El-Busaidi di civîneke berê ya li ser Îranê de.

Çavkaniyek agahdar roja Înê ji Reuters re got ku du gerên danûstandinên dîplomatîk, yên derbarê Ukrayna û Îranê ne, dê roja Sêşemê li Cinêvê  bên encamdan.

Tê çavrê kirin ku şandeyek Amerîkî, ku di nav wan de nûner Steve Witkoff û Jared Kushner hene, roja Sêşemê danê sibehê bi nûnerên Îranî re dê bicive û li gorî wê çavkaniyê, rayedarên Omanî dê beşdarî gotûbêjên Amerîka-Îranê bibin û navbeynkariyê bikin.

Piştî nîvro, Witkoff û Kushner dê beşdarî gotûbêjên sêalî bi nûnerên Rûsya û Ukrayna re bibin.

Serokê Amerîka Donald Trump piştî serkutkirina xwepêşanderan zext li ser Tehranê zêde kiriye û hebûna deryayî ya Amerîkî li herêmê xurt kiriye, di heman demê de, ew hewl dide ku hem Ukrayna û hem jî Rûsya han bide daku bigihîjin rêkeftinekê ji bo bidawîkirina dagirkirina çar-salî ya Moskowê ya li ser Ukrayna.
 
Bi awayekî cuda, Axios ragihand ku Elî Larîcanî, Sekreterê Konseya Bilind ya Ewlekariya Neteweyî ya Îranê, bi riya navbeynkarên Omanî peyamek ji Amerîka wergirtiye.

Gera yekem ya danûstandinan di navbera Îran û Amerîka de roja 6ê Sibatê li Omanê hatibû encamdan.

PUKMEDIA