Xalid Şiwanî: Ti girtiyên DAIŞê nayên veguhastin bo zindanên Herêma Kurdistanê

PUKMEDIA

Dr. Xalid Şiwanî, Wezîrê Dadê yê Hikûmeta Federal

Dr. Xalid Şiwanî, Wezîrê Dadê yê Hikûmeta Federal piştrast kir ku ti girtiyên DAIŞê yên ji Sûriyeyê bo Îraqê hatine veguhestin ji bo zîndanên Herêma Kurdistanê nayên veguhastin, û destnîşan kir ku ew ji aliyê dezgeheke dadwerî ya taybet ve têne darizandin.

Dr. Şawanî di daxuyaniyek çapemeniyê de, ku ji aliyê PUKMEDIA ve hatiye ragihandin, diyar kir ku "zindanên federal ên li Herêma Kurdistanê, wek zindanên Sûsa û Çemçemal, ji bo girtiyên sûcdar hatine destnîşankirin. Endamên DAIŞê wekî terorîst têne dabeşkirin û li zîndaneke ewlehiya bilind a Bexdayê têne girtin.

Amaje bi wê jî kir ku "hejmara girtiyên ku ji Sûriyeyê bo Îraqê hatine veguhestin heta niha gihîştiye 5,046 kesan, hemî endamên DAIŞê ji neteweyên cûda ji nêzîkî 50 welatan in, û ev hejmar dibe ku bigihîje 6,000 kesan.

Wezîrê Dadê destnîşan kir ku "ev girtî dê li Îraqê werin darizandin, û dezgeheke dadwerî ya taybet hatiye damezrandin da ku dozên wan binirxîne," tekez kir ku "prosedûrên qanûnî dê bi hevrêziya welatên têkildar di derbarê girtiyên ku neteweyên wan digirin de werin bicîh kirin.

Şiwanî her wiha got ku "hewldanên dîplomatîk bi hevkariya hevpeymaniya navneteweyî didomin da ku girtiyan vegerînin welatên wan ên resen.

PUKMEDIA