Wezareta Derve ya Îraqê: Daxuyaniyên Hakan Fîdan destwerdane di karûbarên Îraqê de

Wah

Beşek ji civînê

Wezareta Karên Derve ya Îraqê îro Çarşemê rêkefta (11-02-2026) an, piştrast kir ku daxuyaniyên Wezîrê Derve yê Turkiyê Hakan Fîdan sivakatê ye li peywendiyên bi Turkiyê re û destwerdana karûbarên navxweyî yên Îraqê.

Di daxuyaniyek ya wezaretê de, ku ji hêla (PUKMEDIA) ve hatiye dîtin, dibêje ku Wezareta Karên Derve li baregeha wezaretê mêvandariya balyozê Turkiyê li Îraqê, Anil Bora Inan kir, li hemberî daxuyaniyên dawî yên Wezîrê Derve yê Turkiyê Hakan Fîdan ku di hevpeyvînek televîzyonê ya li ser CNN Turk de di 9ê Şibat ya 2026 an de.

Li gorî daxuyaniyê, Cîgirê Wezîrê Peywendiyên Dualî, Balyoz Mihemed Husên Behir El Ilûm,ne razîbûna Îraqê li hemberî daxuyaniyên ku di medyayê de belav dibin anî ziman,û tekez kir ku ew sivakatîkirine bi peywendiyên dostane yên navbera Îraq û Turkiye, û destwerdana di karûbarên navxweyî yên Îraqê de û binpêkirina normên dîplomatîk in.

Her weha tekez kir ku, Îraq welatekî saziyan e ku xwedî sîstemeke siyasî ya demokratîk ya destûrî ye, û nayê berawirdkirin bi welatên din yên xwedî sîstemên siyasî yên cuda.

Derbarê karûbarên navxweyî de,Cîgirê Wezîr tekez kir ku dosyaya Şingal û herêmên din yên Îraqê bi tevahî mijarek neteweyî ye, û tekez kir ku li gorî pêşanî û mekanîzmayên neteweyî tê çareserkirin, û her destwerdana derveyî ji bo sepandina çareseriyan an jî bikaranîna vê pirsgirêkê ji bo bandora siyasî an leşkerî tê redkirin.

Ji aliyê xwe ve, balyozê Turkiyê diyar kir ku daxuyaniyên Wezîrê Derve ji ber wergereke xelet şaş hatiye têgihîştin, û destnîşan kir ku siyaseta welatê wî ya li hemberî Îraqê hevgirtî ye, rêzê li serweriya wê digire û destwerdanê di karûbarên navxweyî yên wê de nake.

Di dawiya civînê de, balyozê Turkiyê tekez li ser dilsoziya hikûmeta xwe ji bo xurtbûna peywendiyên di navbera her du welatan de kir, piştrast kir ku ewê helwest û gumanên Îraqê ji serokatiya xwe re vebêje, û girîngiya domandina peywendiyên dualî bi awayekî ku xizmeta berjewendiyên her du gelên hevsê bike, anî ziman.

PUKMEDIA