Zanîngeha Kobanê: Di encama êrîşeke çekdarî de xwendekar Fatme her du lingên xwe ji dest da

PUKMEDIA

Zanîngeha Kobanê

Zanîngeha Kobanê derbarê êrîşên Şamê de daxuyaniyek belav kir û ragihand: "Tevî ragihandina agirbestê, komên çekdar ên ser bi Hikûmeta Demkî ya Sûriyê ve dema ku li gundê 'Xerab Eşk' komkujiyek pêkanîn, di vê êrîşa hovane de Fatme Hec Mehmûd xwendekara Zanîngeha Kobanê her du lingên xwe ji dest da. Îro em rasterast vê bangawaziyê arasteyî rêxistinên navdewletî û rêxistinên mafên mirovan dikin, ma we dîmenên kampê nedîtine û hûn bi wê êşê ne hesyane?

Di daxuyaniyê de hat gotin: "Bi taybetî, di (25ê Kanûna Yekema 2026an) de, tevî ragihandina agirbestê, komên çekdar ên ser bi Hikûmeta Demkî ve li gundê 'Xerab Eşk' komkujiyek pêkanîn û malbeteke tevahî kirin armanc. Di encamê de, pênc endamên wê malbatê şehîd bûn û pêncên din jî birîndar bûn ku di nav wan de zarok jî hebûn.

PUKMEDIA