Serok Bafil û El-Sudanî tekezî li ser pabendbûna bi demên destûrî ji bo avakirina hikûmetê kirin

Nivîsgeha rojnamevanî yê serokê YNK

Serok Bafil û Mihemed Şeya El-Sudanî,

Bafil Celal Talebanî, Serokê Yekîtiya Niştimanî ya Kurdistanê (YNK), li Bexdayê bi Mihemed Şeya El-Sudanî, Serokwezîrê Îraqê re civiya.

Di civînê de, ku Cîgirê Serokê YNKê Rifat Abdulah û Wezîrê Dadê yê Îraqê Dr. Xalid Şiwanî jî beşdar bûn, pêşketinên dawî yên siyasî hatin gotûbêj kirin, û tekezî li ser pêwîstiya berdewamiya diyalogê di navbera hemû aliyan de ji bo derbaskirina pirsgirêkan hate kirin.

Herdu aliyan jî girîngiya pabendbûna bi demên destûrî ji bo avakirina hikûmetek bihêz ku xizmeta welatiyan bike û beşdarî ji nû ve avakirina welêt bibe, piştrast kirin.

PUKMEDIA