Rêveberiya Xweser: Çekdarên Sûrî Tawanên Cengê kirine

Medya

Logoya Rêveberiya Xweser û ala Suriye

Rêveberiya Xweser binpêkirinên ku ji hêla grûpên çekdar yên girêdayî Hikûmeta Demkî ya Şamê ve li taxên Şêx Meqsûd û Eşrefiyê yên Helebê hatine kirin şermezar kir û wan wekî "tawanên cengê" bi nav kir.

Rêveberiya xweser di daxuyaniyekê de dibêje: Em ji ber binpêkirinên cidî yên berdewam yên ku dibin sedema tawanên şer ji aliyê grûpên çekdar yên girêdayî hikûmeta demkî ya Sûriyê li Şamê ve, ku gelek belge aşkere dike ku beşek ji wan çekdarên DAIŞê ne."

Di daxuyaniyê de hatiye: Kiryarên li dijî sivîlên li taxên Şêx Meqsûd û Eşrefiyê binpêkirineke eşkere ya peymana berê ye ku ewlehî û aramiya sivîlan, hem yên ku neçar man ku derkevin û hem jî yên ku li malên xwe mane, gerantî dikir."

Rêveberiya xweser amaje bi wê yekê dike ku binpêkirin û tawanên cengê bi awayekî sîstematîk berdewam dikin; rewşên binçavkirina keyfî, sivikatîkirin û bê rêzî û binpêkirina rûmeta sivîlan hatine tomar kirin, ku li dijî nirxên mirovan û yasayên navneteweyî ne.

PUKMEDIA