Kempîna alîkariyan ji bo Çemçemalê li Silêmaniyê bi dawî bû

PUKMEDIA

Kempîna berhevkirina alîkariyan

Li Silêmaniyê piştî du rojan, berhevkirina alîkariyên darayî û pêdiviyan ji bo mexdûrên navçeya Çemçemalê bi dawî bû û li gorî PUKMEDIA, zêdetirî 10 hezar dolar, zêdetirî 60 milyon dînarên Îraqî û 15 kamyonên mezin yên kelûpelan hatine berhevkirin û dê îro ji bo qurbaniyên Çemçemalê werin bexşandin.

Hunermend Cezayî Saz, ku beşdarî kempînê bû, ji PUKMEDIA re got: Kampîna alîkariya qurbaniyên navçeya Çemçmalê roja Pêncşem û Înê li Muzexaneya Nîştimanî ya Emne Soreke ya li Silêmaniyê berdewam kir ku di vê heyamê de, rêjeyek baş alîkarî ji bo qurbaniyên Çemçemalê hat berhevkirin, ku divê em spasiya xelkê Silêmanî û deverên derdorê bikin, ku pir baş beşdarî kampînê bûn.

Derbarê birê pare û pêdiviyên ku hatine berhevkirin de, Cezayî Saz got: Îro kampîn bi dawî bû û emê ber bi Çemçemalê ve biçin, hevdem di vê navberê de, di van rojan de me karî 10 hezar dolarên Amerîkî, 500 Euro, 60 milyon dînarên Îraqî û 15 kamyonên mezin yên tijî kelûpel û pêdiviyên rojane ji bo xelkê Çemçemalê berhev bikin, ku emê îro pêşkêşî wan bikin.

Ev yek jî di demekê de ye ku, roja 09-12-2025 an lehiyeke bi hêz sinorê Çemçemalê vegirt û li gorî Navenda Hevbeş ya Qeyranan (JCC), ziyan gelek zêde ye û piraniya Çemçemal û sînorên wê ziyan dîtine ku, ziyan gihîştiye hezar û 607 xaniyan û 500 otombêl, 116 dukan û bazar û 456 projeyan ziyan dîtine her weha 456 projeyan jî ziyan dîtine.

PUKMEDIA