Karê Mîsyona Neteweyên Yekbûyî li Îraqê bi dawî tê

Medya

Alayên Îraq û Neteweyên Yekbûyî

Mihemed Hesen, Nûnerê Taybet yê Sekreterê Giştî yê Neteweyên Yekbûyî ji bo Îraqê û Serokê Mîsyona Alîkariyê ya Neteweyên Yekbûyî li Iraqê (UNAMI), ragihand ku, karê nûnertiya wan li Îraqê dê di 31ê Kanûna Pêşîn ya 2025an de bi dawî bibe.

Mihemed Hesen di hevpeyvînekê de ragihand ku UNAMI li ser daxwaza hikûmeta Îraqê dest bi karê xwe li welêt kiriye, û dawî li karê xwe li ser daxwaza Îraqê bûye.

Her weha aşkere kir ku, Neteweyên Yekbûyî rêzê li daxwazên welatên ku mêvandariya mîsyonên wê dikin digire, bi bêyî razîbûn û dilxwaziya welatê mêvandar, tu mîsyon nikare karê xwe bike.


Nûnerê Neteweyên Yekbûyî amaje bi wê yekê dike ku, Îraqî ji du dehsalan zêdetir e ku mêvandariya me kiriye,her çende ew kar giran bû, lê wan dît ku mîsyona UNAMI armancên xwe bi dest xistiye, û niha dem hatibû ku ew jî, mîna welatên cîhanê, biryarên xwe bidin.

Mihemed Hesen got, "Karê nûnertiyê bi serkeftî qediya ye û tenê sê dozên têkildarî şerê Kuweytê nehatine çareserkirin ku ev yek kesên ku li Kuweytê winda bûne, digel welatiyên welatên sêyemîn yên ku di dema şer de winda bûne, û dozên têkildarî milkê Kuweytê û Arşîvên Neteweyî yên Kuweytê jî di nav xwe de digire.


Derbarê roja bi dawî hatina erkê nûnerayet Hesen got:Îro merasîm dê îro li ser daxwaza Îraqê were lidarxistin, lê emê heya 31ê Kanûna Pêşîn a 2025an xebata xwe bidomînin.

Hevdem li gorî nûçeyek ajansa Îraqî, îro Sekreterê Giştî yê Neteweyên Yekbûyî Antonio Guterres biryar e ji bo beşdarbûna merasîma bidawîkirina mîsyona Neteweyên Yekbûyî bigihêje Îraqê û beşdarî merasîma bi dawîhatina karên Mîsyona Neteweyên Yekbûyî bibe.

PUKMEDIA