داعش له‌شاری ته‌دمری ئاسه‌واری كۆمه‌ڵكوژی ئه‌نجامداوه‌

400 هاووڵاتی كوشووه‌ كه‌ زۆربه‌یان ژن و منداڵن

رێكخراوی تیرۆرستی داعش نزیكه‌ی 400 كه‌سی له‌ شاری ته‌دمری ئاسه‌واری سوریا كوشتووه‌ كه‌ زۆربه‌یان ژنان منداڵن.

ئاژانسی رۆیته‌رز ئه‌مڕۆ 24-5-2015، بڵاویكرده‌وه‌، دوای ئه‌وه‌ی رێكخراوی تیرۆرستی داعش به‌ته‌واوه‌تی ده‌ستی به‌سه‌ر شاری ته‌دمری ئاسه‌واری سوریا گرت، ده‌ستی كردوه‌ به‌ كۆمه‌ڵكوژی له‌و ناوچه‌یه‌دا و له‌ ئێستاشدا به‌پێی ئه‌و زانیارییانه‌ی كه‌ له‌ خه‌ڵكی ناوچه‌كه‌وه‌ ده‌ست كه‌وتوون، تیرۆرستانی داعش نزیكه‌ی 400 هاووڵاتی ئه‌و شاره‌یان كوشتووه‌ كه‌ زۆربه‌یان ژن و منداڵن.

ئه‌و سه‌رچاوه‌یه‌ راشیگه‌یاندوه‌، به‌سه‌دان ته‌رمی هاووڵاتی ئه‌و شاره‌ له‌ كۆڵان و شه‌قامه‌كانی ئه‌و ناوچه‌یه‌ كه‌وتوون كه‌زۆربه‌یان، لایه‌ن گرانی رژێمی ئه‌سه‌دن.

جێی باسه‌ شاری ته‌دمر یه‌كێكه‌ له‌ شاره‌ ئاسه‌وارییه‌ گرنگه‌كانی رۆژهه‌ڵاتی ناوه‌ڕاست و جیهان كه‌ مێژووی دامه‌زراندنه‌كه‌ی ده‌گه‌ڕێته‌وه‌ بۆسه‌رده‌می ئیمبراتۆریه‌تی رۆمانی كۆن و شێوه‌ی دروستكردنی شاره‌كه‌ له‌ شاره‌كانی ڤینیسیای ئیتاڵیا ده‌چێت، ئه‌و شاره‌ له‌ لیستی ناوچه‌ شوێنه‌وارییه‌كانی جیهان له‌لایه‌ن یونسێفه‌وه‌ تۆماركراوه‌.

PUKmediaرۆیته‌رز