چاویلكه‌یه‌كی زیره‌ك به‌رهه‌مهێنرا

بایدووئای له‌توانایدا هه‌یه‌ له‌گه‌ڵ مۆبایله‌ زیره‌كه‌كاندا كار بكات

كۆمپانیای به‌ناوبانگی چینی (بایدوو) یه‌كه‌مین چاویلكه‌ی زیره‌كی به‌رهه‌مهێنا كه‌ به‌(بایدووئای) ناسراوه‌و ده‌یه‌وێت له‌رێگه‌ی ئه‌م داهێنانه‌وه‌ ركابه‌ری كۆمپانیای زه‌به‌لاحی ئه‌مریكی و به‌رهه‌مه‌ نوێیه‌كه‌ی (گوگڵ گڵاس) بكات.

ئه‌م چاویلكه‌ نوێیه‌ جیاوازییه‌كه‌ی ئه‌وه‌یه‌ كه‌شاشه‌ی نیه‌ و چاویلكه‌كه‌ ده‌كرێته‌ سه‌ر، هه‌روه‌ها  هیدفۆنێكی پێوه‌یه‌ كه‌ ده‌كرێته‌ گوێ و به‌یه‌كێك له‌ته‌نیشته‌كانییه‌وه‌ كامێرایه‌ك بۆ وێنه‌گرت و ناسینه‌وه‌ی ته‌نه‌كان و شیكاری زانیارییه‌كانی هه‌یه‌.

كۆمپانیا چینییه‌كه‌ رایگه‌یاندوه‌، بۆ ئه‌وه‌ی پاترییه‌كه‌ی به‌شی زۆر بكات، شاشه‌ی بۆ دانه‌نراوه‌ و ئاسانتر داتاكان ده‌بینرێت.

بایدووئای له‌توانایدا هه‌یه‌ له‌گه‌ڵ مۆبایله‌ زیره‌كه‌كاندا كار بكات، هاوكات به‌كارهێنه‌ر ده‌توانێت سه‌ردانی تۆڕه‌ كۆمه‌ڵایه‌تییه‌كان بكات.

PUKmedia له‌ئاژانسه‌كانه‌وه‌