كۆبانی.. تیرۆرستانی داعش گورزی كوشنده‌یان به‌رده‌كه‌وێت

20 تیرۆرستی داعش كوژران

له‌ئه‌نجامی شه‌ڕوپێكدادانی شه‌ڕڤانانی یه‌په‌گه‌و تیرۆرستانی داعش له‌ رۆژهه‌ڵاتی كۆبانێ 20 تیرۆرستی داعش كوژران و زیانێكی زۆريشيان به‌ركه‌وت.

ئاژانسی فورات نیوز بڵاویكردۆته‌وه‌: شه‌ڕڤانانی یه‌په‌گه‌ له‌ سه‌عات 11:30 ده‌قیقه‌ی شه‌وی رابردوو 20-9-2014 له‌ گونده‌كانی ئه‌ین ئه‌لبات و تلك و قه‌به‌جوغی رۆژهه‌ڵاتی كۆبانی له‌ دوو روبه‌ڕوبوونه‌وه‌یه‌كی سه‌ختدا له‌ دژی تیرۆرستانی داعش 20 تیرۆرستیان  كوشت و ئۆتۆمبێلێك و دۆشكه‌یه‌كی جۆری  23 یان تێكشكاندو شه‌ش ئۆتۆمبێلی تریش گورزیان به‌ركه‌وت.

شه‌ڕو پێكدادانه‌كان له‌ باشوور و رۆژهه‌ڵات و رۆژئاوای كۆبانێ كه‌ له‌ 15 ی ئه‌یلول له‌ نێوان هێزه‌كانی یه‌كینه‌كانی پاراستنی گه‌ل (یه‌په‌گه‌) و تیرۆرستانی به‌ناو ده‌وڵه‌تی ئیسلامی عیراق و شام ناسراو به‌ (داعش) به‌ سه‌ختی ده‌ستیپێكردوه‌و تائێستاش به‌رده‌وامه‌، له‌سه‌رجه‌می شه‌ڕوپێكدادانه‌كاندا تیرۆرستان گورزی گه‌وره‌یان به‌ركه‌وتووه‌.

PUKmedia