رۆژنامه‌نوسێك: له‌كه‌یسی دانای ئه‌حمه‌د مه‌جیدا میدیای ئه‌هلی بێ لایه‌نی خۆی له‌ده‌ستدا

هه‌ر ئه‌مه‌شه‌ وای كردوه‌ میدیای ئه‌هلی بینه‌رو بیسه‌رو خوێنه‌ری كه‌م ببێته‌وه‌

رۆژنامه‌نوسێك رایده‌گه‌یه‌نێت میدیای ئه‌هلی له‌كوردستاندا نه‌یتوانی بێ لایه‌نی خۆی له‌دۆسیه‌ی دانای ئه‌حمه‌د مه‌جیدا بپارێزێت.

رۆژنامه‌نوس ئه‌نوه‌ر حسێن تایبه‌ت به‌ PUKmedia ی راگه‌یاند: من وه‌ك رۆژنامه‌نوسێك ئه‌وه‌ی ئێستا له‌ كوردستاندا ده‌بینم تایبه‌ت به‌ میدیای ئه‌هلی زۆر جیاوازه‌ وه‌ك له‌ئه‌وه‌ی له‌ وڵاتانی ده‌ره‌وه‌ هه‌یه‌، چونكه‌ به‌ بڕوای من میدیا ئه‌هلییه‌كان له‌كوردستان به‌ نوسراوو خوێندارو نینراوو ئه‌لكترۆنیه‌وه‌ ئه‌وه‌نه‌ی كار له‌سه‌ر گه‌وره‌ كردنی دۆسیه‌كانی تایبه‌ت به‌ یه‌كێتیی ده‌كه‌ن، ئه‌وه‌نده‌ كار له‌سه‌ر كێشه‌كانی ناو حزبێكی تر یان لایه‌نێكی تر یان باشتره‌ بڵێین كه‌سایه‌تیه‌كی تر ناكه‌ن، باشترین نموونه‌ش ئه‌و دۆسیه‌ی دانای ئه‌حمه‌د مه‌جیده‌.

وتیشی: وه‌ك هه‌مووان ده‌زانن له‌ماوه‌ی رابردوودا چه‌ند كه‌یسێك هه‌بوو تایبه‌ت به‌ یه‌كێتیی میدایا ئه‌هلییه‌كان كه‌مپینیان ده‌كردو چه‌ندین رۆژ شه‌قام و شوێنه‌ گشتیه‌كانیان داده‌خست، به‌ڵام له‌كه‌یسێكی وه‌ك ئه‌و كه‌یسه‌ی دانای ئه‌حمه‌د مه‌جید ئه‌و میدیا ئه‌هلییانه‌ كه‌مترین كاریان له‌و دۆسیه‌یه‌دا كرد نه‌یاتوانی بێلایه‌نی خۆیان بپاێزن.

ئه‌نوه‌ر حسێن راشیگه‌یاند: نه‌توانینی ئه‌و بێلایه‌نیانه‌ من وه‌ك خۆم ئه‌وه‌نده‌ی به‌ لایه‌نی سیاسی ده‌یبینم ئه‌ونده‌ بۆ ده‌ستكه‌وتنی مادده‌ نابینم، چونكه‌ پێده‌چێت ئه‌و میدیا ئه‌هلیانه‌ نایانه‌وێت دڵی بزوتنه‌وه‌ی گۆڕان و هه‌ندێك كه‌س له‌ خۆیان زویر بكه‌ن، هه‌ر ئه‌مه‌شه‌ لای من و زۆرێك له‌ هاووڵاتیان میدیای ئه‌هلیی له‌ ئێستادا خستۆته‌ ژێر پرسیاره‌وه‌.

ئه‌و رۆژنامه‌نوسه‌ ئه‌وه‌شی خسته‌ڕوو: هه‌ندێك جار میدیای ئه‌هلی خۆی له‌بیر ده‌چێته‌وه‌و به‌ئاوازی ئۆپسسیۆن ده‌خوێنێت و هاووڵاتیایش ده‌توانن ئه‌و هه‌ڵسه‌نگاندنه‌ لای خۆیان بكه‌ن، كه‌ له‌ماوه‌ی رابردوودا چه‌ند كێشه‌یه‌ك له‌ سنوری سلێمانی روویداوه‌و كێشه‌كانی یه‌كێتیی جی لێ به‌سه‌ر هاتووه‌و كێشه‌كانی تری لایه‌نه‌ سیاسییه‌كان وه‌ك  بزوتنه‌وه‌ی گۆڕنیش چۆن بێده‌نگی لێكراوه‌.

 هه‌ر ئه‌مه‌شه‌ له‌كوردستاندا وای كردوه‌ كه‌میدیای ئه‌هلی بینه‌رو بیسه‌رو خوێنه‌ری كه‌م ببێته‌وه‌، كه‌ له‌ئێستادا ئه‌و حاڵه‌ته‌ به‌ڕوونی به‌ میدیای ئه‌هلییه‌وه‌ ده‌بینرێت.

PUKmedia دیار ستار