نوێكراوه‌ته‌وه‌.. پارتی و كۆمه‌ڵ رێكه‌وتنی كابینه‌ی نوێیان ئیمزاكرد

كۆمەڵ بەدوو وەزیر بەشداری حكومەتی داهاتوو دەكات

وەفدی دانوستكاری نێوان پارتی و كۆمەڵ كۆبوونەوەو لەسەر پێكهێنانی كابینەی نوێ و دابەشكردنی پۆستەكان رێكەوتنیان ئیمزاكرد.

كەمێك لەمەوبەر كۆبوونەوەی نێوان وەفدی دانوستانكاری پارتی دیموكراتی كوردستان و كۆمەڵی ئیسلامی بۆ پێكهێنانی كابینەی نوێی حكومەت كۆتایهات، دواتریش نوێنەرانی ئەو دوو حزبە كۆنگرەیەكی رۆژنامەوانیان بەست.
لەو كۆنگرە رۆژنامەوانیەدا هەریەك لە فازل میرانی سكرتێری مەكتەبی سیاسی پارتی و ستار عەبدولمەجید ئەندامی مەكتەبی سیاسی كۆمەڵی ئیسلامی روونكردنەوەیان لەوبارەیەوەدا.

ستار عەبدولمەجید وتی: لەگەڵ پارتی بۆ پێكهێنانی حكومەت گەیشتینە رێككەوتن و رێككەوتنەكەشیمان ئیمزاكرد، وەك كۆمەڵ وەزارەتی كشتوكاڵ و ئاودێری و وەزیری هەرێم بۆ كاروباری ژینگەمان پێدەدرێت لەكابینەی هەشتەمی حكومەتی هەرێمدا.

PUKmedia تایبەت