گەلاوێژخان: هاوڕێیەكی وەفادارم لەدەستچوو

.

بە دڵ و كەسەرێكی زۆرەوە مەرگ و ماڵئاوایی برای بەڕێزمان كاكە مەم بۆتانیم بیست.

بەو بۆنە خەمناكەوە سەرەخۆشی لە كەس و كارو هاوڕێ و هاوبیرەكانی مامۆستا كاكە مەم دەكەم.

مامۆستا بۆتانی، كەسێكی هەڵكەوتووی بوارەكانی سیاسەت و ئەدەب و شۆڕش بوو. جێدەستی ئەو لە چەندین كایەی جیا جیای خەباتی میللەتەكەماندا دیارە بۆیە لە دەستدانی دەبێتە كە لێنێك و بە چەندین بوارەوە دیار دەبێت.

كاكە مەم بۆتانی دۆستی گەورەو تێكۆشەرانی كوردو هاوڕێیەكی وەفاداری منیش بوو، بۆیە بەم كۆچە هاوڕێیەكی وەفادارم لەدەستچوو، هاوڕێیەك كەتەمەنێكی درێژی بۆ خەباتی چەك و قەڵەم و بیرو پێشكەوتن تەرخانكرد.

دووبارە سەرەخۆشی لە هەموو لایەك دەكەم.

گەلاوێژ

25/10/2020