سلێمانی.. تۆمەتبارێك دەستگیر دەكرێت

.

ئاسایشی سلێمانی تۆمەتبارێك دەستگیر دەكات كە تەمەنی 19 ساڵە و كەسێكی دیكەی بە چەكی كڵاشنكۆف كوشتووە.

لە راگەیەنراوێكی بەڕێوەبەرایەتی ئاسایشی سلێمانی كە كۆپییەكی بۆ PUKmedia نێردراوە راگەیەنراوە: لە درێژەی كار و چالاكییەكانی بەڕێوەبەرایەتی ئاسایشی پارێزگای سلێمانی، بەمەبەستی جێبەجێ كردنی یاساو دۆزینەوەی ئەنجامدەرانی هەر جۆرە تاوانێك، لەڕۆژی 6/7/2020 تۆمەتبارێك لەسلێمانی بەناوی ( م ، ن ، م ) لەدایكبووی ساڵی ( 2001) ، ڕەگەزی نێر، هەستاوە بەكوشتنی كەسێك بەچەكی جۆری كڵاشنكۆف بەناوی ( م ، ع ، ف ) تەمەنی لەنێوان 35 بۆ 40 ساڵیدایە و لە ڕەگەزی نێرە، پاشان خۆی رادەستی ئاسایشی بازگەی سلێمانی ـ عەربەت كرد.

ئاماژە بەوەشدراوە: دوای دەستگیر كردنی بەپێی ماددەی (406) لەیاسای سزادانی عیراقی , دانی نا بە تاوانەكەیدا و كێشەی كۆمەڵایەتیان هەبووە،  لێكۆڵینەوە لەكەیسەكەی بەردەوامە.

PUKmedia راگەیاندنی بەڕێوەبەرایەتی ئاسایشی پارێزگای سلێمانی