لایه‌نی ده‌روونیت به‌هێزكه‌ كۆرۆنا تێده‌په‌ڕێنيت

.

دوای ئه‌وه‌ی ڕۆژانه‌ ژماره‌یه‌كی زۆر ڕێژه‌ی تووشبوو له‌هه‌رێمی كوردستان ڕاده‌گه‌یه‌نرێت، كۆرۆنا وای له‌هاووڵاتیان كردوه‌ زیاتر بترسن له‌ڕووی ده‌رونیشه‌وه‌ كاریگه‌ری خراپی له‌سه‌ر هاووڵاتیان دروستكردوه‌.

سامان عادل توێژه‌ری كۆمه‌ڵایه‌تی بۆ PUKmedia وتی، لایه‌نی په‌یوه‌ندیدار به‌رپرسه‌ له‌ دابینكردنی خزمه‌ت گوزرای خه‌ڵك، به‌ڵام له‌م كاته‌ ته‌نها كه‌رتی ته‌ندروستی هاوكاری تووشبووه‌كان ده‌كات و به‌هۆی قه‌یرانی دارایی هیچی تری پێناكرێت .

وتیشی: لایه‌نی ده‌روونی و جه‌سته‌ی دووخاڵی گرنگن بۆ ئه‌م دۆخه‌ی ئێستای هاووڵاتی، پێویسته‌ تاك وا لێبكرێت لایه‌نی ده‌روونی نه‌ڕوخێت چه‌ند ڕێنمایه‌ك جێبه‌جێ بكات بۆئه‌وه‌ی كه‌تووشی كۆرۆنابوو خۆی بپارێزێت و له‌فشاری ده‌روونی خۆی به‌ دوور بگرێت.

ترس گۆڕانكاری زۆر ده‌كات و كاریگه‌ری ده‌بێت له‌سه‌ر ده‌رونی كه‌سی تووشبوو ئه‌ونیشانانه‌ كه‌ ده‌رده‌كه‌وێت له‌ كه‌سه‌كه‌ له‌ ڕووی ده‌روونیه‌وه‌ ئه‌وكه‌سه‌ به‌رگیری لاواز ده‌بێت، به‌ڵام ئه‌گه‌ر كه‌سه‌كه‌ به‌هێزبێت سه‌رده‌كه‌وێت به‌سه‌ر نه‌خۆشیه‌كه‌دا به‌لایه‌نی ده‌روونی ده‌توانرێت به‌ره‌نگاری ئه‌م نه‌خۆشیه‌ ببێته‌وه‌.
 
بۆیه‌ پێویسته‌ هه‌میشه‌ بیرت لای شته‌ باشه‌كان بێت كه‌ دێته‌ ڕێگه‌ت ئه‌گه‌ر توشی كۆرۆناش ببیت واهه‌ست نه‌كه‌یت كه‌ ده‌مریت، ده‌بێت بیرت لای شتی باش بێت یه‌كێك له‌و خاڵانه‌ كه‌ له‌ئێستادا به‌خاڵی به‌هێزی به‌رگری جسته‌ و ده‌روونی داده‌نرێت ئه‌ویش ڕاگه‌یاندنه‌ كه‌ ڕۆژانه‌ ترس و دڵه‌ڕاوكێ دروست ده‌كه‌ن له‌ناو هاووڵاتیان، جگه‌ له‌كۆرۆنا شێوازی مردنی زۆر هه‌یه‌ له‌به‌رئه‌وه‌ی ڕاگه‌یاندن باسی ناكات هیچ له‌ ده‌روونی هاووڵاتی خراپ ناكات، بۆیه‌ ده‌بێت خۆمان به‌ دوربگرین له‌هه‌واڵی مردن و تووشبون و شته‌ خراپه‌كان بگۆڕین بۆشته‌ باشه‌كان .

له‌كۆتایدا ئه‌و توێژه‌ره‌ كۆمه‌ڵایه‌تیه‌ ده‌ڵێت، له‌ ڕووی مه‌عنه‌ویه‌وه‌ په‌نابردن بۆخوای گه‌وره‌ له‌م كاته‌ زۆرگرنگه‌ خوای گه‌وره‌ به‌پشت وپه‌نایی خۆت بزانی زۆرگرنگه‌ له‌ڕوی مه‌عنه‌ویه‌وه‌.

له‌وه‌ڵامی پرسیارێكی PUKmedia دا،  ئایا به‌رپرسانی ته‌ندروستی چییانكردوه‌ بۆئه‌وه‌ی هاوكاری ده‌روونی هاووڵاتیان بكه‌ن؟ عه‌باس عه‌بدولعه‌زیز جێگری به‌ڕێوه‌به‌ری ته‌ندروستی گه‌رمیان وتی، له‌ئێستادا به‌ لایه‌نی ته‌ندروستی  هاكاری هاووڵاتیـــــان ده‌كه‌ین ئه‌گه‌ر بارودۆخه‌كه‌ش مه‌ترسی داربوو له‌ ڕێگای تیمه‌كانمانه‌وه‌ هاوكاری هاووڵاتیان ده‌كه‌ین بۆئه‌وه‌ی له‌ ماڵه‌كانیان بمێننه‌وه‌ له‌ڕێگای هێڵی گه‌رمه‌وه‌ هاوكاری هاووڵاتیانی خۆمان بكه‌ین، به‌ڵام له‌ئێستادا له‌سه‌ر رێنمایی وه‌زاره‌تی ته‌ندروستی كارده‌كه‌ین.

PUKmedia زمناكۆ یه‌حیایی