داهاتی بەندەری ئوم قەسر لە حوزەیراندا 20 ملیار دینار بووە

.

دەستەی دەروازە سنورییەكانی عیراق ئاشكرای دەكات، داهاتی بەندەری ئوم قەسر لەمانگی حوزەیراندا زیاتر بووە لە 20 ملیار دینار. پەرلەمانتارێكیش دەڵێت، تەنها یەك لەسەر دەی داهاتی دەروازە سنورییەكان دەچێتە خەزێنەی دەوڵەتەوە.

دەستەی دەروازە سنورییەكان لە بەیاننامەیەكدا رایگەیاند، سەرەڕای ئەوەی باجی گومرگی لەسەر هاوردەكردنی ماددەكانی خۆراك‌و دەرمان‌و بەروبومی كشتوكاڵی سفر كراوەتەوە، بەڵام داهاتی بەندەری ئوم قەسری ناوەراست لە مانگی حوزەیراندا 20 ملیار‌و 51 ملیۆن‌و 296 هەزار دینار بووە.

هاوكات (عەبدولڕەحمان مەشهەدانی) پسپۆڕی ئابووری عیراقی دەڵێت، گەندەڵیەكی زۆر لە دەروازە سنورییەكان دەكرێت، بەجۆرێك لەدوای ساڵی 2003وە تائێستا نزیكەی 100 ملیار دۆلار لە دەروازە سنورییەكانی عیراق بەهەدەر دراوە‌و نەهاتۆتە نێو خەزێنەی گشتییەوە.

PUKmedia ئاژانسەكان