سبەینێ وەفدی هەرێم دەچێتە بەغدا

.

سەرۆك و جێگری سەرۆكی حكومەتی هەرێم لە ڕێی ڤیدیۆ كۆنفرانسەوە سەرپەرشتی كۆبوونەوەی تایبەت بە دانوستان لەگەڵ حكومەتی فیدراڵیان كردو تێیدا گفتوگۆ دەربارەی دەرئەنجامی دانوستان و چارەسەری كێشە هەڵپەسێردراوەكان لەگەڵ حكومەتی فیدراڵی لەسەر بنەمای دەستوور كرا بۆ گەیشتن بە ئەنجام و رێككەوتن بەئاڕاستەی دابینكردنی ماف و شایستە دەستوورییەكانی هەرێمی كوردستان.

هەر لە كۆبوونەوەكەدا حكومەتی هەرێم ئامادەیی بۆ چارەسەری كێشەكان دەربری بە شێوەیەكی بنەڕەتی لەگەڵ حكومەتی فیدراڵی و جێبەجێكردنی پابەندبوونەكانی بەرامبەر بە دابینكردنی ماف و شایستە دەستوورییەكانی هەرێمی كوردستان بۆ ئەوەی رێككەوتنێكی گشتگیر كە ئەرك و لێپرسراویەتییەكانی هەر لایەك دیار بێت و جێی ڕەزامەندی هەردوولا بێت.

 هەر لە كۆبوونەوەكەدا بڕیاردرا سبەی وەفدی باڵای هەرێمی كوردستان بە سەرۆكایەتی قوباد تاڵەبانی جێگری سەرۆكی حكومەت سەردانی بەغدا بكات.

PUKmedia