ناوی كاندیدان بۆ پۆستی وه‌زاره‌ته‌ به‌تاڵه‌كان گه‌یشتووه‌ته‌ نوێنه‌ران

.

ئه‌مڕۆ 4-6-2020، ئه‌ڵماس فازیل ئه‌ندامی ئه‌نجومه‌نی نوێنه‌رانی عیراق له‌فراكسیۆنی یه‌كێتیی نیشتمانیی كوردستان رایگه‌یاند: ئه‌نجومه‌نی نوێنه‌ران ناوی كانیدانی بۆ پۆستی چوار له‌ وه‌زاره‌ته‌ به‌تاڵه‌كان پێگه‌یشتووه‌.

ئه‌ڵماس له‌ لێدوانێكی تایبه‌تدا بۆ PUKmedia وتی: مسته‌فا كازمی سه‌رۆكی حكومه‌تی فیدراڵ ناوی كاندیدانی بۆ پۆستی 4 له‌ وه‌زاره‌ته‌ به‌تاڵه‌كانی بۆ محه‌مه‌د حه‌لبوسی سه‌رۆكی ئه‌نجومه‌نی نوێنه‌ران ناردووه‌.

ئه‌ڵماس راشیگه‌یاند: وا بڕیاره‌ ئه‌نجومه‌نی نوێنه‌ران له‌ دانیشتنی داهاتوودا ده‌نگ له‌سه‌ر ئه‌و چوار كاندیده‌ بدات، روونیشیكرده‌وه‌ حكومه‌تی فیدڕاڵ ناوی هیچ كاندیدێكی بۆ پۆستی وه‌زاره‌تی نه‌وت نه‌ناردووه‌.

جێی ئاماژه‌یه‌، دوێنێ چوارشه‌ممه‌، ئه‌نجومه‌نی نوێنه‌ران بۆ تاوتوێكردنی ژماره‌یه‌ك ره‌شنووسی یاسایی دووه‌م دانیشتنی خۆی ئه‌نجامداو وا بڕیاریشه‌ رۆژی شه‌ممه‌ی داهاتوو 6-6-2020 جارێكی تر كۆببێته‌.

PUKmedia تایبه‌ت