قوباد تاڵه‌بانی: قه‌ڵادزێ و زانكۆی سلێمانی جێی شانازین

.

به‌بۆنه‌ی ساڵیادی كاره‌ساتی بۆردومانكردنی شاری قه‌ڵادزێ و زانكۆی سلێمانی له‌و شاره‌، جێگری سه‌رۆك وه‌زیرانی هه‌رێمی كوردستان په‌یامێك بڵاوده‌كاته‌وه‌.

ده‌قی په‌یامه‌كه‌...
له‌ یادی 46 ساڵه‌ی بۆردومانی قه‌ڵادزێ و زانكۆی سلێمانی له‌و شاره‌، سه‌ری ڕێز و نه‌وازش بۆ شه‌هیدانی ئه‌و رووداوه‌ داده‌نوێنین. ئه‌و زانكۆیه‌ی به‌عس بۆردمانی كرد به‌ درێژایی نیوسه‌ده‌ مێژوویه‌كی پڕ له‌ شانازی تۆمار كردوه‌و ئێستاش ناوه‌ندێكی گرنگی زانست و مه‌عریفه‌یه‌ له‌هه‌رێمی كوردستان و هه‌موو عێراقدا. به‌شێكی زۆری پزیشك و ئه‌ندازیار و مامۆستا و دادوه‌ر و نووسه‌ر و هه‌موو ئه‌وانه‌ی ئێستا خزمه‌تی وڵاته‌كه‌مان ده‌كه‌ن و مایه‌ی شانازی گه‌له‌كه‌مانن له‌م زانكۆیه‌ په‌روه‌رده‌بوون. بۆ داهاتووش چاوه‌ڕوانی ئه‌وه‌ له‌ زانكۆی سلێمانی و زانكۆكانی دیكه‌ی كوردستان ده‌كرێت كه‌ ببنه‌ ناوه‌ندێكی گرنگی داهێنانی زانستی و مه‌عریفی له‌ هه‌موو ناوچه‌كه‌دا.

قوباد تاڵه‌بانی
 جێگری سه‌رۆك وه‌زیرانی هه‌رێمی كوردستان

PUKmedia تایبه‌ت