بەڵام وەک لای هەمووان ئاشکرایە رەمەزان میوانێکی دڵنشینە و دەرفەتێکی زێڕین و قوتابخانەیەکی فێرکارییە بۆ ڕاھێنانی دەروون و رەفتار و چاکسازی. لە پێناو به‌دیھێنانی گۆڕانێکی ئه‌رێنی لە ژیاندا. رەمەزان دەرفەتێکە بۆ بەخۆدا چوونەوە و دیاریکردنی هەڵە و کەموکورتیەکان و پەیمان تازەکردنەوە، بۆیە لەم مانگە پیرۆزەدا هەق وایە باشتر بیر لە گوزەران و ژیانی کۆمەڵانی خەڵک بکرێتەوە و بە گیانێکی نوێی دوور لە چەقبەستوویی سیاسی بیر لەچارەسەری کێشەکان بکرێتەوە. هەق وایە هەموو لایەک ئەوە بەبیرخۆیان بخەنەوە، کە سەرمایەی کوردستان خەڵکەکەیەتی و، خۆشگوزەرانی هاوڵاتیان دەبێت لە پێشینەی هەر کارێکدا بێت.

لە کۆتاییدا جارێكی تر هاتنەوەی مانگی پڕ خێرو بەرەكەتی رەمەزان لەسەرجەم موسڵمانان پیرۆز دەكەم ‌و خوازیارم مانگی سەرفرازیی ‌و شادی ‌و سەركەوتن‌ و پێكەوەژیان بێت لەنێوان سەرجەم پێكهاتە و نەتەوە و ئایینە جیاوازەكان لەكوردستاندا. هیوادارم خوای گەورە خاک و خەڵکی کوردستان لە هەموو نەهامەتی و کێشەیەک بەدوور بگرێت و وڵاتمان پارێزراوبێت

لاهور شێخ جەنگی
هاوسەرۆکی یەکێتیی نیشتیمانیی کوردستان

PUKmedia