رێگری لە سەرهەڵدانەوەی تیرۆر دەکرێت

.

سەرۆک کۆمار د. بەرھەم ساڵح ئەمڕۆ دوو شەممە ٢٠٢٠/٢/٢٤ لە شاری بەغدا پێشوازیکرد لە شۆڕش ئیسماعیل وەزیری پێشمەرگە و خالید شوانی وەزیری ھەرێم بۆ كاروباری ناوچە كوردستانییەكانی ده‌ره‌وه‌ی ئیداره‌ی هه‌رێم و شاندێکی باڵای وەزارەتی پێشمەرگە و سەبارەت بە دوا گۆرانکارییە ئەمنییەکانی عیراق گفتوگۆکرا.

لە دیدارەکەدا سەرۆک بەرھەم جەختی لە پێویستی پتەوکردنی ھەماهەنگی نێوان وەزارەتی بەرگری عیراق و وەزارەتی پێشمەرگە کردەوە، بەمەبەستی بەرزکردنەوەی ئاستی توانا سەربازییەکانی ھێزی پێشمەرگە، ھاوکات ئاماژەی کرد بۆ گرنگی رێگرتن لە دووبارە سەرھەڵدانەوەی تیرۆر و رێشەکێشکردنی بۆ یەکجاری و چەسپاندنی ئاسایش و ئارامی بۆ سەرجەم گەلانی عیراق.

ھەر لە دیدارەکەدا باس لە شایستە داراییەکانی ھێزی پێشمەرگە کرا.

PUKmedia راگەیاندنی سەرۆک کۆمار