پۆلیسی هەڵەبجە: سێ هاووڵاتی عەرەب بەتۆمەتی خستنەوەی ئاگرەکەی نەوڕۆڵی دەستگیرکران

بەرگری شارستانی هەڵەبجە

ئاگرەکەی ناوچەی نەورۆڵی

ڕوداوێکی ئاگرکەوتنەوە لە گوندی کەوتەی ناوچەی نەورۆڵی  لە سنووری هەڵەبجە کەوتەوە و پۆلیسی پارێزگاش رایدەگەیەنێت: سێ تۆمەتباری بەڕەگەزعەرەب دەستگیر کران،کە هۆکاری کەوتنەوەی ئاگرەکە بوون.

بەپێی ڕاگەیاندنی بەڕێوەبەرایەتی پۆلیسی پارێزگای هەڵەبجە، دوای ئەوەی ڕۆژی  25ی5ی2026، ڕوداوێکی ئاگرکەوتنەوە لە گوندی کەوتەی ناوچەی نەورۆڵی کەوتەوە، دەست بە لێکۆڵینەوە لە هۆکارەکەی کرا.

دەشڵێت: دوای لێکۆڵینەوەکان لە چۆنیەتی کەوتنەوەی ئاگرەکە، توانرا لەلایەن بنکەی پۆلیسی سیروانی سەربە بەڕێوەبەرایەتی پۆلیسی پارێزگای هەڵەبحە سێ تۆمەتباری بەڕەگەز عەرەب بەبڕیاری دادوەر بەپێی مادەیی یاسایی 343یاسای سزادانی عیراقی دەستگیربکرێت.

 پەیوەست بە هۆکاری ئاگر کەوتنەوەکە، پۆلیسی هەڵەبجە، ئاشکرا کردووە:هۆکاری کەوتنەوەی ئاگڕەکە بەهۆی خەڵوزی نێرگەلەوە ڕویداوە.

PUKMEDIA