هەرێم خزمەتگوزارییەکی نوێ پێشکەش بە حاجییان دەکات

ئەرشیف

بەڕێوەچونی فەریزەی حەج

حكومه‌تی هه‌رێمی كوردستان وەک دیاری خزمه‌تگوزارییه‌كی دیكه‌ به‌ بێ به‌رامبه‌ر پێشكه‌ش به‌ حاجیان ده‌كات و کە خەرجییەکەی لە بەرنامەی حەجدا نییە.

حکومەتی هەرێمی کوردستان، به‌ مه‌به‌ستی له‌ نزیكه‌وه‌ بینینی شوێنه‌ پیرۆزه‌كان و شاره‌زابوون له‌ رێوره‌سمه‌كانی چۆنیه‌تی حه‌جكردن و ئاشناكردن حاجیان به‌و رێوشوێنانه‌ لە چوارچێوەی بەڕێوەچونی فەریزەی حەجدا، گەشتێک بێ به‌رامبه‌ر بۆ سه‌رجه‌م حاجیانی كوردستان ڕێك ده‌خات.

ئه‌م گه‌شته‌ به‌ هه‌ماهه‌نگی له‌گه‌ڵ سه‌رجه‌م نووسینگه‌كانی حه‌ج و عومڕه‌ له‌ سه‌رجه‌م پارێزگا و ئیداره‌ سه‌ربه‌خۆ‌كان به‌ پێی خشته‌یه‌كی دیاریكراو رۆژانه‌ ئه‌نجام ده‌درێن و بڕیاریشه‌ تاوه‌كوو كۆتایی ئه‌م هه‌فته‌یه‌ هه‌موو حاجیان ئه‌م گه‌شته‌یان پێ بكرێت.

حكومه‌تی هه‌رێمی كوردستان، وه‌كوو دیارییه‌ك خه‌رجی ئه‌م گه‌شتانه‌ی گرته‌ ئه‌ستۆ، ئه‌گه‌رچی خه‌رجی ئه‌م گه‌شته‌ له‌ به‌رنامه‌ی حه‌جدا نییه‌ و له‌ پێناو دڵخۆشكردنی حاجیان و دروستكردنی كه‌شێكی ئارام بۆ ده‌روونی حاجیان و چوونه‌ده‌ره‌وه‌ی له‌ هۆتێل ئه‌م رێكخراوه‌. 

PUKMEDIA