ئەرمینیا چالاکییە کلتوری و پەروەردەییەکانی لە سلێمانی فراوانتر دەکات

PUKMEDIA

د. یوسف گۆران و کونسوڵی گشتی ئەرمینیا لە هەرێم

ئەمرۆ سێشەممە 19-5-2026 لە بارەگای مەڵبەندی دیراساتی گشتی (ی.ن.ک) لە سلێمانی د. یوسف گۆران پێشوازی کرد لە ڕافایل مۆڤسیسیان کونسوڵی گشتی ئەرمینیا لە هەرێمی کوردستان و لە دانیشتنێکدا باسیان لە پەیوەندییە مێژوییەکانی نێوان هەردوو گەلی دێرینی کورد و ئەرمەن لە ناوچەکە کرد.

لە دانیشتنەکەدا کە د. ئومێد رەفیق لێپرسراوی ناوەندی لێکۆڵینەوەی ستراتیجی ئامادەیبوو ئاسۆکانی پەیوەندی نێوان هەرێمی کوردستان و وڵاتی ئەرمینی لە ئایندە گفتوگۆی لەبارەوە کرا، بۆ ئەمەش کونسوڵی ئەرمینیا باسی لە گرنگی ئەو پەیوەندیانە کردو وابڕیارە چالاکییە کلتوری و پەروەردەییەکانیان لە شاری سلێمانی فراوانتر بکەن، لەو چوارچێوەیەشدا ستایشی رۆڵی قوباد تاڵەبانی جێگری سەرۆک وەزیرانی کرد بۆ هەوڵەکانیان لەپێناو پەرەپێدانی پەیوەندییە دوو قۆڵییەکان.

لە کۆتایی دیدارەکە کونسوڵی ئەرمینیا دوپاتیکردەوە دەخوازن ئاڵوگۆڕی بازرگانی و ئابوری لەنێوان هەرێمی کوردستان و ئەرمینیا بۆ بەرژەوەندی هەردولا فراوانتر بکرێت.

PUKMEDIA