سەرۆك كۆمار پیرۆزباییەكی لە هاوتا توركییەكەیەوە پێدەگات

راگەیاندنی سەرۆککۆماری عیراق

پێشوازی نزار ئامێدی، سەرۆك كۆماری عیراق، لە ئەنیل بۆرا ئینان باڵیۆزی توركیا

نزار ئامێدی، سەرۆك كۆماری عیراق، پەیامێكی پیرۆزبایی لە ڕەجەب تەیب ئەردۆغان، سەرۆك كۆماری توركیاوە پێگەیشت، كە تێیدا گەرمترین پیرۆزبایی ئاڕاستە كردووە بەبۆنەی دەستبەكاربوونی وەك سەرۆك كۆماری عیراق و جەختی كردووەتەوە كە وڵاتەكەی بایەخێكی زۆر بە ئاسایش و سەقامگیری و گەشەسەندنی عیراق دەدات.

ئەمڕۆ دووشەممە 20ی نیسانی 2026 لە كۆشكی بەغداد، نزار ئامێدی، سەرۆك كۆماری عیراق، پێشوازی لە ئەنیل بۆرا ئینان باڵیۆزی توركیا كرد و لە دیدارێكدا سەرۆك كۆمار جەختی لە گرنگی بەرزكردنەوەی ئاستی پەیوەندییە دووقۆڵییەكانی نێوان عیراق و توركیا و پەرەپێدانی ئاسۆكانی هەماهەنگی كردەوە، بەجۆرێك كە خزمەت بە بەرژەوەندییەكانی هەردوو وڵات بكات و بەشداربێت لە چەسپاندنی سەقامگیری لە ناوچەكەدا.

هەروەها ئاماژەی بە پێویستی هەماهەنگی و كاركردنی هاوبەش كرد بە مەبەستی دۆزینەوەی چارەسەری گونجاو بۆ یەكلاكردنەوەی كێشەی ئاو.

لای خۆشییەوە، باڵیۆزی توركیا پەرۆشی وڵاتەكەی دەربڕی بۆ بەهێزكردنی پەیوەندییەكانی هاوكاری و دۆستایەتی، بەو شێوەیەی خزمەت بە بەرژەوەندییە هاوبەشەكانی هەردوو گەلی دۆست و برا بكات.

PUKMEDIA