سەرۆککۆمار: دانوستان لەپێناو چەسپاندنی ئاشتی و ئاسایشی جیهانیدا بێت

راگەیاندنی سەرۆککۆمار

سەرۆککۆمار و باڵیۆزی کۆماری ئیسلامی ئێران

نزار ئامێدی سەرۆک کۆمار، ئەمڕۆ یەکشەممە 19ی نیسان 2026، لەکۆشکی بەغداد، پێشوازیکرد لە محەمەد کازم ئال سادق باڵیۆزی کۆماری ئیسلامی ئێران و ئال سادق، پیرۆزبایی خۆی پێشکەش بە نزار ئامێدی کرد، بەبۆنەی هەڵبژاردنیەوە بەسەرۆک کۆمار و هیوای سەرکەوتنی بۆ خواست لەجێبەجێکردنی بەرپرسیارێتیەکانیدا.

لەمیانی دیدارەکەدا پەیوەندییە دووقۆڵییەکانی نێوان هەردوو وڵات و چۆنیەتی پتەوکردنیان لەبوارە جیاجیاکان بۆ خزمەتکردنی بەرژەوەندییە هاوبەشەکان تاوتوێ کران، هەروەها باس لەپێشهاتەکانی دۆخی ئەمنی ناوچەکە کرا.

سەرۆک کۆمار جەختی لەگرنگی بەردەوامی دانوستان و هێورکردنەوەی قەیرانەکان و دور خستنەوەی مەترسییەکانی جەنگ لە ناوچەکە کردەوە، بەجۆرێک کە بەشداری لەچەسپاندنی ئاشتی و ئاسایشی جیهانیدا بکات.

PUKMEDIA