سەرۆک کۆمار پێشوازی لە سەماحەتی سەید عەممار حەکیم دەکات

نوسینگەى راگەیاندنى سەرۆک کۆرمار

نزار ئامێدی سەرۆک کۆمارى عیراق و سەید عەممار حەکیم سەرۆکی رەوتی حیکمەی نیشتمانی

نزار ئامێدی سەرۆک کۆمارى عیراق، ئەمڕۆ شەممە 18ی نیسانی 2026 لە کۆشکی بەغداد، پێشوازی لە سەرۆکی رەوتی حیکمەی نیشتمانی سەماحەتی سەید عەممار حەکیم کرد.

 لە دیدارەکەدا، سەید حەکیم پیرۆزبایی لە بەڕێزیان کرد بەبۆنەی دەستبەکاربوونی وەک سەرۆک کۆمار و هیوای سەرکەوتنی بۆ خواست لە راپەڕاندنی ئەرکەکانیدا.

لای خۆیەوە، سەرۆک کۆمار سوپاسی پیرۆزباییەکانی جەنابیانی کرد و بەرز نرخاندی، هاوکات پیرۆزبایی لە سەید حەکیم کرد، بەبۆنەی دووبارە هەڵبژاردنەوەی وەک سەرۆکی رەوتی حیکمەی نیشتمانی، و ستایشی رۆڵی بەڕێزیانی کرد لە بەهێزکردنی یەکڕیزی نیشتمانی.

لە درێژەی دیدارەکەدا، جەخت کرایەوە سەر پێویستی یەکخستنی هەوڵەکانی نێوان هێزە سیاسییەکان بۆ رووبەڕووبوونەوەی ئەو ئاڵنگاریانەی کە وڵات پێیدا تێپەڕ دەبێت، لەگەڵ پەلەکردن لە یەکلاکردنەوەی پۆستی سەرۆک وەزیران وەک شایستەیەکی دەستووری.

هەروەها لە دیدارەکەدا بارودۆخی ناوچەکە و گرنگی بەهێزکردنی ئاشتی و ئاسایشی نێودەوڵەتی تاوتوێ کرا.

PUKMEDIA