سەرۆک بافڵ پیرۆزبایى لە سەید عەمار حەکیم دەکات

نوسینگەى راگەیاندنى سەرۆک بافڵ

وێنەیەکى رابردووى سەرۆک بافل و سەید عەمار حەکیم

بافڵ جەلال تاڵەبانی سەرۆکی یەکێتیی نیشتمانیی کوردستان بەبۆنەی نوێکردنەوەی متمانەی رەوتی حیکمەی نیشتمانی، بە  سەید عەممار حەکیم، سەرۆکی رەوتی حیکمەی نیشتمانی کە  وەک سەرۆکی رەوتەکە بۆ خولێکی نوێ جارێکى دیکە دەستبەکاردەبێت، پیرۆزبایى ئاراستە دەکات و رایدەگەیەنێت: هیوای بەردەوامیی سەرکەوتن و لێهاتووییتان بۆ دەخوازین لە ئەرکەکانی داهاتووتاندا.

دەقى پەیامەکەى سەرۆک بافڵ:

برای ئازیزم جەنابی سەید عەممار حەکیم، سەرۆکی ڕەوتی حیکمەی نیشتمانی، بەبۆنەی نوێکردنەوەی متمانەی ڕەوتی حیکمەی نیشتمانی بە بەڕێزتان وەک سەرۆکی ڕەوتەکە بۆ خولێکی نوێ، بە ناوی یەکێتیی نیشتمانیی کوردستانەوە گەرمترین پیرۆزباییتان ئاراستە دەکەین و هیوای بەردەوامیی سەرکەوتن و لێهاتووییتان بۆ دەخوازین لە ئەرکەکانی داهاتووتاندا.

نوێکردنەوەی متمانە بە جەنابتان، پشتگیرییە بۆ کاروانی سیاسی و بەهێزکردنی سەقامگیری، ئەوەش وامان لێدەکات چاومان لە هەماهەنگی و هاوکاریی زیاتری نێوان هێز و لایەنە نیشتمانییەکان بێت، بە شێوەیەک کە خزمەت بە هاووڵاتییان بگەیەنێت و ڕێڕەوەکانی چاکسازی و بونیادنان لە وڵاتدا بچەسپێنێت.

بافڵ جەلال تاڵەبانی
سەرۆکی یەکێتیی نیشتمانیی کوردستان

PUKMEDIA