سەرۆک کۆمار پێشوازی لە وەفدی فراکسیۆنی بەدر و ئەحمەد ئەسەدی دەکات

نوسینگەی رۆژنامەوانی سەرۆک کۆمار

پێشوازی سەرۆک کۆمار لە وەفدی فراکسیۆنی بەدر و ئەحمەد ئەسەدی

ئەمڕۆ شەممە 18ی نیسانی 2026 نزار ئامێدی سەرۆک کۆماری عیراق لە کۆشکی بەغداد، پێشوازی لەوەفدێکی فراکسیۆنی بەدر لە ئەنجومەنی نوێنەران بە سەرۆکایەتی هومام عەلی مەهدی کرد.

لە دیدارەکەدا وەفدەکە پیرۆزبایی خۆیان ئاراستە کرد بەبۆنەی دەستبەکاربوونی وەک سەرۆک کۆمار و لە دیدارەکەدا، کە ژمارەیەک لە ئەندامانی فراکسیۆنی یەکێتیی نیشتمانیی کوردستان لە ئەنجومەنی نوێنەران ئامادەی بوون، باس لە کۆی بارودۆخی سیاسیی وڵات و ڕێگاکانی بەهێزکردنی هاریکاری نێوان هێزە نیشتمانییە جیاوازەکان کرا بەو شێوەیەی کە خزمەت بە بەرژەوەندیی گشتی بکات.

هاوکات سەرۆک کۆمار جەختی لە گرنگیی یەکخستنی هەوڵە نیشتمانییەکان و چەسپاندنی کار و تەبایی نێوان هێزە سیاسییەکان کردەوە، لەپێناو پشتگیریکردن لە بنەماکانی سەقامگیری لە وڵاتدا و بەدیهێنانی خواستەکانی گەلی عیراق.

لای خۆشیانەوە، ئەندامانی وەفدەکە پێزانینی خۆیان بۆ گرنگیدانی سەرۆک کۆمار بە پەیوەندی و گفتوگۆ لەگەڵ هێزە سیاسییە جیاوازەکان دەربڕی، هەروەها جەختیان لە پشتیوانیی فراکسیۆنەکەیان بۆ هەموو ئەو هەوڵانە کردەوە کە ئامانجیان بەهێزکردنی کاری نیشتمانیی هاوبەشە.

سەرۆک کۆمار پێشوازی لە ئەحمەد ئەسەدی دەکات

لەلایەکی ترەوە هەر ئەمڕۆ نزار ئامیدی سەرۆک کۆماری عیراق پێشوازیکرد لە ئەحمەد ئەسەدی وەزیری کار و کاروباری کۆمەڵایەتی و سەرپەرشتیاری گشتی بزووتنەوەی سۆمەریون و وەفدی یاوەری، کە پیرۆزبایی خۆیان پێشکەش کرد بە بۆنەی هەڵبژاردنی وەک سەرۆک کۆمار و هیوای سەرکەوتنیان بۆ خواست لە ئەرکەکانیدا، لەبەرامبەردا سەرۆک کۆمار سوپاس و پێزانینی خۆی بۆ پیرۆزبایی و سەردانەکەیان دەربڕی.

هاوکات لە میانی دیدارەکەدا باس لە بارودۆخی گشتی وڵات و پێویستی پەلەکردن لە هەڵبژاردنی سەرۆک وەزیر و پێکهێنانی حکومەتێک کرا کە ئاواتەکانی گەلی عێراق بهێنێتەدی.