ترەمپ: گەشبینم بە رێککەوتنی ئاشتی لەگەڵ ئێران

میدیاکان

دۆناڵد ترەمپ سەرۆکی ئەمریکا

دۆناڵد ترەمپ سەرۆکی ئەمریکا گەشبینە بە رێککەوتنی ئاشتی لەگەڵ ئێران و دووپاتیشی دەکاتەوە: هێرشەکانی ئیسرائیل بۆ سەر لوبنان کەم دەبنەوە.

ترەمپ لە لێدوانێکی رۆژنامەوانیدا، رایگەیاند: کە گەشبینە بە رێککەوتنی ئاشتی لەگەڵ ئێران و سەرکردەکانی ئێران ژیرانە مامەڵە دەکەن و دەزانن چی پێویستە ئەنجامی بدەن.

 پەیوەست بە هێرشەکانی ئیسرائیل بۆ سەر لوبنان: سەرۆکی ئەمریکا، رایگەیاند: لەگەڵ بنیامین نەتانیاهۆ سەرۆکوەزیرانی ئیسرائیل قسەم کردووە، ئەو بە هێمنی کارەکان ئەنجامدەدات و هێرشەکانیش کەمدەبنەوە.

لە بەرامبەریشدا،عەباس عراقچی وەزیری دەرەوەی ئێران رایگەیاند، ئەگەر ئەمریكا دەیەوێت زیان بە ئابورییەكەی بكەوێت ئەوا با رێگە بە ناتانیاهۆ بدات هەوڵە دیپلۆماسییەكان تێكبدات.

وتیشی، ئەمریكا  دەتوانێت رێگە بە ناتانیاهۆ بدات ئاستەنگ  بۆ هەوڵە دیپلۆماسییەكان دروست بكات، بەڵام پێموایە بژاردەیەكی ژیرانە نییە، لەگەڵ ئەوەشدا ئامادەین بۆ هەموو ئەگەرێك.

ئاماژەی بەوەشكردووە، ئاگربەست هەموو ناوچەكە دەگرێتەوە بە جەنگی لوبنانیشەوە.

ئەمەش لەکاتێکدایە، جەنگی ئەمریکاو ئیسرائیل دژی ئێران لە 28ی2ی2026 دەستی پێکرد و دوای 39 رۆژ لە جەنگ لە 8ی4ی2026 ئاگربەستێکی دووهەفتەییان راگەیاند و بڕیاریشە رۆژی شەممە لە ئیسلامئابادی پاکستان دانوستانی ئاشتی هەمیشەیی ئەنجامبدەن.

PUKMEDIA