بەهۆی بومەلەرزە لە وان و کابوڵ هەشت کەس گیانیان لەدەستدا

AFP

بومەلەرزەکەی ئەفغانستان

بومەلەرزە لە شارەکانی کابوڵ لە ئەفغانستان و وان-ی لە باکوری کوردستان روویدا و بەهۆیەوە هەشت کەس لە ئەفغانستان گیانیان لەدەستدا.

سەرلەبەیانی ئەمڕۆ 4ی4ی2026، بوومەلەرزەیەک بە گوڕی 5.2 پلە لە شاری وان ڕوویدا و لە شارەکانی دەوروبەری هەستی پێکرا، بەڵام بەرێوەبەرایەتی کارەسات و بەڕێوەبردنی باری نائاسایی لە تورکیا ڕایگەیاند:هیچ زیانێکی نەبووە.

 هەر ئەمڕۆ بومەلەرزەیەکی دیکە،  بە گوڕی 5.8 پلە بە پێوەری رێختەر،چەند ناوچەیەکی  باکوری ئەفغانستانی گرتەوە و بە وتەی شەرفات زەمان وتەبێژی وەزارەتی تەندروستی ئەفغانستان، بەهۆی بومەلەرزەکەوە لانیکەم هەشت کەس لە ناوچەی کۆسفەندەری کابوڵی پایتەخت گیانیان لەدەستداوە.

PUKMEDIA