كەشناسی: تەزرەو هەورە تریشقە هەرێم دەگرێتەوە

فۆتۆ.. حەمە عومەر

بارانی بەلێزمە

كەشناسی هەرێم رایدەگەیەنێت: تەزرەو هەورە تریشقە سەرجەم ناوچەكانی هەرێم دەگرێتەوەو پێشبینی بەرزبوونەوەی ئاستی ئاو لەسنووری پارێزگای سلێمانی و ئیدارەی گەرمیان دەكرێت.

بەڕێوەبەرایەتی گشتی كەشناسی و بومەلەرزەزانی هەرێم كەشی پێشبینیكراوی 48 سەعاتی داهاتووی بڵاوكردەوەو بەپێی پێشبینییەكان، ئەمڕۆ  پێنج شەممە   26ی 3ی 2026، ئاسمان بە گشتی هەوری باراناوی دەبێت و هەندێك جاریش تەزرەو هەورە تریشقە سەرجەم ناوچەكانی هەرێم دەگرێتەوە، لەكاتەكانی شەودا لەسنووری پارێزگای سلێمانی و ئیدارەی گەرمیان رێژەی باران بارین زیاتر دەبێت و پێشبینی بەرزبوونەوەی ئاستی ئاو لەو ناوچانە دەكرێت.

راشیگەیاندووە: پێشبینی بارینی بەفرێكی كەم لەناوچە شاخاوییە سنوورییەكانی باكوور و باكووری رۆژهەڵاتی هەرێم دەكرێت، هاوكات بەرزترین پلەكانی گەرمای پێشبینیكراو بۆ ئەمڕۆ بەمشێوەیە دەبێت:

هەولێر 13 پلەی سیلیزی 
پیرمام 11 پلەی سیلیزی
سۆران 12 پلەی سیلیزی 
حاجی ئۆمەران 7 پلەی سیلیزی 
سلێمانی 13 پلەی سیلیزی 
چەمچەماڵ 13 پلەی سیلیزی
دهۆك 13 پلەی سیلیزی
زاخۆ 13 پلەی سیلیزی 
هەڵەبجە : 15 پلەی سیلیزی
گەرمیان : 16 پلەی سیلیزی

كەشناسی هەرێم لەبارەی پێشبینییەكان بۆ سبەی  هەینی 27ی 3ی 2026 رایگەیاندووە: ئاسمان هەوری تەواو دەبێت و نمەباران و بارانی مامناوەند لەزۆربەی ناوچەكان دەبارێت،  لە كاتەكانی ئێوارەدا  ئەگەری دابارین لە زۆربەی ناوچەكان لاواز دەبێت جگە لە پارێزگای سلێمانی و ئیدارەی گەرمیان باران بارین بەردەوامی دەبێت.

هاوكات بەرزترین پلەكانی گەرمای پێشبینیكراو بۆ هەینی بەپلەی سیلیزی بەمشێوەیە دەبێت:

هەولێر 12 پلەی سیلیزی 
پیرمام 9 پلەی سیلیزی
سۆران 10 پلەی سیلیزی 
حاجی ئۆمەران 4 پلەی سیلیزی 
سلێمانی 11 پلەی سیلیزی 
چەمچەماڵ 11 پلەی سیلیزی
دهۆك 11 پلەی سیلیزی
زاخۆ 12 پلەی سیلیزی 
هەڵەبجە 12 پلەی سیلیزی
گەرمیان 15 پلەی سیلیزی

PUKMEDIA