ژووری بازرگانی و پیشەسازی سلێمانی: كۆگاكانمان پڕن لەخواردەمەنی و كاڵای سەرەكی

PUKMEDIA

بینای ژووری بازرگانی و پیشەسازی سلێمانی

ژووری بازرگانی و پیشەسازی سلێمانی، دڵنیایی تەواو بە هاووڵاتیان دەدات كە هیچ كێشەیەك لە دابینكردنی خۆراك و كاڵاكانی پێویستی رۆژانەدا نییە و هەموو جۆرەكانی خواردەمەنی و پێداویستییە سەرەكییەكان بەردەستن لە كۆگا و بازاڕ و ماركێتەكاندا.

لەڕاگەیەندراوێكدا ژووری بازرگانی و پیشەسازی سلێمانی ئاماژە بەوەدەكات: بازرگانانی پارێزگای سلێمانی لە پێشوازی مانگی رەمەزان پیرۆزدا، بە ئامادەكارییەكی تەواوەوە، بڕێكی زۆر لە كاڵا و خواردەمەنیان هاوردە كردووە بۆ ئەوەی پێداویستییەكانی هاووڵاتیان بەشێوەیەكی ئاسایی و بەردەوام دابین بكرێت. ئێستا سەرجەم كۆگاكان پڕن لە خواردەمەنی و كاڵای سەرەكی.

راشیگەیاندووە: بازرگانانی شاری سلێمانی هەمیشە وەك ناوەندێكی سەرەكی بۆ دابەشكردنی خواردەمەنی بۆ پارێزگاكانی دیكەی عیراق ناسراوە، ئێمە دڵنیایی دەدەین كە ئەم رۆڵە گرنگە بەهێز و بەردەوام دەبێت. 

ئەوەشی خستووەتەڕوو: هاووڵاتیان دڵنیا دەكەینەوە لەوەی هاوردەكردنی كاڵا تەنها پشتی بە دەروازە سنوورییەكانی كۆماری ئیسلامی ئێران نەبەستووە، بەڵكو لە ڕێگەی دەروازە و ناوەندەكانی دیكەی عیراقیش وەك مینای ئومقەسر و دەروازەی ئیبراهیم خەلیل بەردەوامە، ئەمەش دڵنیایی زیاتر دەدات بۆ بەردەوامی.

هاوكات ژووری بازرگانی و پیشەسازی سلێمانی جارێكی دیكە دووبارە دڵنیایی دەدات بە هاووڵاتیان كە هیچ مەترسییەك لەسەر كەمی خواردەمەنی و كاڵاكانی پێویستی لە پارێزگای سلێمانی نییە.

PUKMEDIA