عەمار حەکیم: کۆبوونەوەی بەپەلە بۆ تەواوکردنی کابینەی حکومەت ئەنجام دەدرێت

واع

سەید عەمار حەکیم سەرۆکی هاوپەیمانی هێزەكانی دەوڵەتی نیشتمانی

سەرۆکی هاوپەیمانی هێزەكانی دەوڵەتی نیشتمانی، دووپاتی دەکاتەوە، گفتوگۆکان بۆ یەکلایی کردنەوەی کابینەکەی عەلی زەیدی بەردەوامە، ئاشکراشی دەکات، پڕکردنەوەی ئەو پۆستانە لەرێگەی کۆبوونەوەیەکی بەپەلەوە دەبێت.

سەید عەمار حەکیم سەرۆکی هاوپەیمانی هێزەكانی دەوڵەتی نیشتمانی، لە کۆنگرەیەکی رۆژنامەوانیدا، رایگەیاند: گفتوگۆکان بۆ تەواوکردنی کابینەی نوێی حکومەت و پڕکردنەوەی پۆستە بەتاڵەکان بەردەوامی هەیە.

دەشڵێت: پڕکردنەوەی پۆستەکان لە کۆبوونەوەیەکی بەپەلەدا ئەنجامدەدرێت، بەبێ ئەوەی کاتی کۆبوونەوەکە دیاریبکات.

سەرۆکی هاوپەیمانی هێزەكانی دەوڵەتی نیشتمانی، پشتگیری خۆیشی بۆ پرۆسەی چەک تەنها لە دەستی دەوڵەتدا بێت، دووپاتکردەوە.

ئەمەش لەکاتێکدایە، رۆژی14ی5ی2026، ئەنجوومەنی نوێنەرانی عیراق بە ئامادەبوونی 270 ئەندامی ئەنجوومەنی نوێنەران و ژمارەیەک لە سەرکردە سیاسییەکان و سەرۆکی حزبەکان،کارنامەی کابینەکەی عەلی زەیدی پەسەندکرد و لە کۆی 23 وەزارەتیش دەنگ بە 14 وەزارەت درا، دەنگدانیش بە نۆ وەزیری دیکە دواخرا.

PUKMEDIA