داهاتی نانەوتی مانگی كانوونی دووەم خرایە سەر هەژماری دارایی عیراق

PUKMEDIA

دراوی عیراقی

داهاتی نانەوتی هەرێم بۆ مانگی كانوونی دووەم خرایە سەر هەژماری بانكی وەزارەتی دارایی عیراق.

لەڕ‌اگەیەنراوێكدا وەزارەتی دارایی و ئابووری هەرێمی كوردستان رایگەیاند: ئەمڕۆ پێنج شەممە 5  ی شوباتی 2026،  بڕی 120،000،000،000 سەدو بیست ملیار دینار وەك داهاتی نانەوتی هەرێم بۆ مانگی كانوونی دووەم بەشێوەی كاش خرایە سەر هەژماری بانكی وەزارەتی دارایی حكومەتی فیدراڵ لە لقی هەولێری بانكی ناوەندی عیراق.

ئەمەش لەكاتێكدایە، رۆژی 28ی1ی2026 لیستی مووچەی مانگی یەكی مووچەخۆرانی هەرێم رادەستی فەرمانگەی ژمێریاری وەزارەتی دارایی حكومەتی فیدراڵ كرا، بەمەش حكومەتی هەرێمی كوردستان سێ لیستی مووچەی بۆ بەغداد ناردووە، بەڵام تائێستا دابەشكردنی مووچەی مانگەكانی 11 و 12 ی ساڵی رابردوو بە نادیاری ماونەتەوە.

PUKMEDIA