سۆمۆ:رێککەوتنی نەوت لەگەڵ هەرێم سەرکەوتوو بووە و هەوڵی درێژکردنەوەی دەدرێت

میدیاکان

نەوتی هەرێمی کوردستان

حکومەتی عیراق رێککەوتنی هەناردەکردنەوەی نەوتی هەرێمی کوردستانی تا کۆتایی مانگی ئازار درێژکردووەتەوە و بەڕێوەبەری سۆمۆش دووپاتی دەکاتەوە، رێککەوتنەکە سەرکەوتوو بووە و هەوڵی درێژکردنەوەی وادەکەی دەدرێت.

نزار شەتری، بەڕێوەبەری گشتی کۆمپانیای بەبازاڕکردنی نەوتی عیراق ناسراو بە سۆمۆ بە رۆژنامەی سەباحی راگەیاند: رێککەوتنی نەوتی لەگەڵ هەرێمی کوردستان سەرکەوتوو بووە، بەبەڵگەی ئەوەی حکومەتی ناوەند تا کۆتایی مانگی ئازار وادەکەی درێژکردەوە.

دووپاتیشی کردەوە: هەموو لایەنەکان هەوڵی درێژکردنەوەی وادەی رێککەوتنەکە دەدەن،هەروەها هەوڵیش دەدەن سەرکەوتوو بێت،چونکە هەناردەکردنەوەی نەوتی هەرێم بووەتە هۆی زیادبوونی داهات، ئەمە جگە لەوەی پرۆسەی هەناردەی نەوتی رێکخستووەتەوە.

ئەمەش لەکاتێکدایە، وەزارەتی نەوتی عیراق، رۆژی 27ی9ی2025، هەناردەکردنەوەی نەوتی هەرێمی کوردستانی راگەیاند و دووپاتیشی کردەوە، بەهۆی پتەوی هەماهەنگی بووە لەگەڵ هەرێمی کوردستان.

PUKMEDIA