نرخی زێڕ و زیو لەبەرزبوونەوە بەردەوامن

GETTY IMAGES

قاڵبی زێڕ و زیو

نرخی ئۆنسەیەک زێر بەرەو پێنج هەزار و 600 دۆلار دەچێت و نرخی قاڵبی هەردوو زیوی مەڕمەڕە و پاڵمیش زیاتر لە چوار هەزار و 600 دۆلارە.

نرخی زێڕ لەماوەی مانگی رابردوودا بەردەوام بەرزبونەوەی بەرچاوی بەخۆیەوە بینیوەو بەجۆرێک نرخی ئۆنسیەیەک زێڕ زیاتر لە هەزار دۆلاری چووەتە سەر و لە ئێستادا نرخەکەی پێنج هەزار و 585 دۆلارە و نرخی لیرەیەکی زێڕ بە نزیکەیی دەگاتە هەزار و 200 دۆلار.

هاوکات نرخی قاڵبی زیوی مەڕمەڕە لەگەڵ بەرزبونەوەی نرخی زێڕ بەردەوام بەرزدەبێتەوەو لەئێستادا گەیشتوەتە چوار هەزار و 750 دۆلار و قاڵبێک زیوی پاڵمیش چوار هەزار و 650 دۆلارە.

شارەزایان وا پێشبینی دەکەن بەرزبونەوەی ئەم نرخانە بەردەوام و بن و هۆکارەکەشی بۆ ئەوە دەگەڕێننەوە کەلە جیهان خواستێکی زۆری لەسەرە.

PUKMEDIA