دەزگای ئاسایشی هەرێم:وتاربێژی مزگەوتی بەختەوەری دەستەواژەی نەشیاوی بەکارهێناوە

PUKMEDIA

لۆگۆی دەزگای ئاسایش

نیوەڕۆی ئەمڕۆ 16ی1ی2026،لەمزگەوتی بەختەوەری گەڕەکی ڕاپەڕینی شاری سلێمانی، ووتاری ڕۆژی هەینی بووە هۆی دروستبوونی ناڕەزایی و گرژی و ئاڵۆزی لەمزگەوتەکەدا و دەزگای ئاسایشی هەرێم-یش رایدەگەیەنێت: دوای لێکۆڵینەوەکان دەرکەوت وتاربێژەکە لەووتارەکەی ئەمڕۆیدا هەندێک دەستەواژەی نەشیاوی بەرامبەر بەکوردانی ڕۆژئاوا بەکارهێناوە.

عقيد - کارزان شێرکۆ وتەبێژی دەزگای ئاسایشی هەرێم رایگەیاند: بەڕێوەبەرایەتی ئاسایشی سلێمانی دەستبەجێ بۆ کۆتایی هێنان بەئاڵۆزییەکان ووتاربێژەکەیان گواستەوە بۆ ئاسایشی سلێمانی، کە(هەڤاڵ فارس مەولود) پیشەی ئەندازیارە و خۆبەخشانە ووتاربێژی (مزگەوتی بەختەوەری)ە.

ئاماژەی بەوەشکرد: دوای لێکۆڵینەوەکان دەرکەوت ناوبراو لەووتارەکەی ئەمڕۆیدا هەندێک دەستەواژەی نەشیاوی بەرامبەر بەکوردانی ڕۆژئاوا بەکارهێناوە و ئەمەش بۆتەهۆی ناڕەزایی لای نوێژ خوێنانی ئەو مزگەوتە.

 لە کۆتایشدا، عقيد - کارزان شێرکۆ وتەبێژی دەزگای ئاسایشی هەرێم  رایگەیاند:لە ئێستادا بەبڕیاری دادوەری لێکۆڵینەوەی ئاسایش تۆمەتباری ناوبراو بەماددەی (240)لەیاسای سزادانی عێراقی ڕاگیراوە و لێکۆڵینەوە لە دۆسیەکەی بەردەوامە.

PUKMEDIA