روانگەی سوری: هێزێکی ئەمریکا بەرەو دێرحافر بەڕێکەوتن

روانگەی سوری

هێزەکەی ئەمریکا

ڕوانگەی سوری بۆ مافەکانی مرۆڤ ئاشکرای کرد دەوریەکی هێزەکانی هاوپەیمانی نێودەوڵەتیی بەسەرۆکایەتی ئەمریکا لە بنکەیەکی خۆیانەوە بەرەو شاری دێرحافر رۆیشتون ، کەلە ئێستادا گروپە چەکدارەکانی سوریا هەوڵی هێرشکردنە سەر ئەو ناوچانە دەدەن.

روانگەی سوری ئاماژەی بەوەشکردووە: هێزەکانی هاوپەیمانان لە بنکەیەکی شاری رەقەوە بەڕێکەوتوون، ئەم دەورییە لە کاتێکدایە کە دێرحافر و ناوچەکانی دەوروبەری رووبەڕووی پەرەسەندنێکی سەربازی بەرچاو بوونەتەوە و سێ ڕۆژ لەمەوبەر چەکدارەکانی دیمەشق شارەکەیان بە ناوچەی سەربازی ناساند.

روانگەی سوری راشیگەیاندووە:دوێنێ ئەو ناوچەیە   لەلایەن چەکدارەکانی سەر بە وەزارەتی بەرگری حکومەتی کاتی سوریاوە بە چڕی بۆردومان کرا، ئەمەش بووە هۆی ترس و دڵەڕاوکێیەکی دانیشتوان و ئاوارەبوونی بەرفراوانی دانیشتووانی دێرحافر و دەورو پشتی.

لە کۆتایشدا روانگەی سوری ئاماژەی بەوە کردووە: چاودێری ئەم دەوریەی هاوپەیمانی نێودەوڵەتی دەکەین کە بەرەو ناوچەیەکی ناسەقامگیر دەڕۆن ، کە ترسی ئۆپراسیۆنی سەربازیی  لەلایەن چەکدارانی  دیمەشقەوە  بۆ سەر ئەو ناوچانە هەیە.

PUKMEDIA