وەزارەتی نەوت: بەرهەمهێنانی ساڵانەی غازی شل سێ ملیۆن تۆنە

PUKMEDIA

د.عیزەت سابیر ئیسماعیل، بریکاری وەزیرارەتی نەوت

وەزارەتی نەوتی عیراق ئاشکرای دەکات بەرهەمهێنانی ساڵانەی غازی شل گەیشتووەتە سێ ملیۆن تۆن و جێگری وەزارەتەکەش رایدەگەیەنێت: لە پلانماندایە تا ساڵی 2030 ئەم بڕە بۆ حەوت تۆن بەرز بکەینەوە.

د. عیزەت سابیر ئیسماعیل، بریکاری وەزیرارەتی نەوت بۆ کاروباری غاز، رایگەیاند: بەرهەمهێنان و هەناردەکردنی غازی شل LPG گەشەیەکی زۆری بەخۆیەوە بینیوە، ئەمەش هاوتەریبە لەگەڵ پلانەکانی وەزارەت بۆ ئەوەی زۆرترین سوود لە بەرهەمە نەوتییەکان وەربگرین و داهاتیش بەهۆیەوە زیاد بکەین.

ئاماژەی بەوەشکرد:توانای بەرهەمهێنانی ئێستای غازی شل LPG ساڵانە گەیشتووەتە سێ ملیۆن تۆن.
پەیوەست بە پلانی ساڵی داهاتووش، عیزەت سابیر رایگەیاند: پلانی ساڵی داهاتوو  بریتی یە لە زیادکردنی بەرهەم بۆ بۆ زیاتر لە چوار ملیۆن تۆنی ساڵانە.

د. عیزەت سابیر ئیسماعیل، بریکاری وەزیرارەتی نەوت بۆ کاروباری غاز  بۆ پلانی  وەزارەتی ئاشکرا کرد و رایگەیاند :ئامانجی وەزارەت بریتییە لەوەی تا ساڵی 2030 بڕی بەرهەمهێنان بگەیەنێتە حەوت ملیۆن تۆن، بەمەش پێگەی عیراق لە بازاڕەکان بەهێزتر دەکات و داهاتی ئابوری زیاتر بۆ گەنجینەی گشتی دابین دەکات.

PUKMEDIA