دابەشکردنی مووچەی مانگی 10 دەستیپێکرد

PUKMEDIA

دراوی عیراقی

وەزارەتی دارایی، خشتەی مووچەی مانگی 10ی مووچەخۆرانی هەرێمی كوردستانی راگەیاند و بەپێی خشتەكەش، ئەمڕۆ دەست بەدابەشكردنی مووچە دەكرێت و ماوەی سێ رۆژ دەخایەنێت.

بەپێی راگەیەندراوێكی وەزارەتی دارایی و ئابوری هەرێمی كوردستان: ئەمڕۆ دووشەممە 29ی12ی2025، دەست بەدابەشكردنی مووچەی مانگی ئەیلوولی فەرمانبەران و مووچەخۆرانی هەرێمی كوردستان دەكرێت و وەزارەتەکانی ( خانەنشینی شارستانی و پێشمەرگە، زیندانییە سیاسییەکان+بەرکەوتووانی کیمیاباران، کەسوکاری شەهیدان و ئەنفالکراوان، کاروباری شەهیدان و ئەنفالکراوان، پەروەردە، تەندروستی، خوێندنی باڵا و توێژینەوەی زانستی)، هاوکات رۆژی چوارشەممە 31ی12ی2025 كۆتایی بەدابەشكردنی مووچە دەهێنرێت.

 وەزارەتی دارایی لە راگەیەندراوەکەیدا داوای لە مووچەخۆران کردووە، سبەی لەدوای سەعات یەکی نیوەرۆ سەردانی بانکەکان بکەن بەمەبەستی وەرگرتنی مووچەکانیان بە پێی خشتەی راگەیەنراو.

رۆژی  28ی12ی2025 بڕی نۆ سەدو چل و دوو ملیارو هەشت سەدو چل و پێنج ملیۆن دینار وەک تەمویلی مووچەی مانگی تشرینی یەکەمی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لەلقی هەولێری بانکی ناوەندی عیراق.

ئەمەش لەکاتێکدایە، رۆژی 30ی11ی2025، دەست بەدابەشكردنی مووچەی مانگی ئەیلوولی فەرمانبەران و مووچەخۆرانی هەرێمی كوردستان کرا.

PUKMEDIA