عیراق لەمانگێکدا بەبەهای زیاتر لە شەش ملیار دۆلار نەوتی فرۆشتووە

میدیاکان

کەشتییەکی نەوت هەڵگری عیراقی

عیراق لە مانگی رابردوودا زیاتر لە 106 ملیۆن بەرمیل نەوتی هەناردە کردووە،  کە زیاتر لە حەوت ملیۆنی نەوتی هەرێم بووە،وەزارەتی نەوتیش رایدەگەیەنێت بەهاکەی زیاتر لە شەش ملیار دۆلاری ئەمریکییە.

ئەمڕۆ25ی12ی2025، وەزارەتی نەوتی عیراق رایگەیاند، بەپێی ئامارێکی کۆمپانیای بەبازاڕکردنی نەوتی عیراق ناسراو بە سۆمۆ قەبارەی هەناردەکردنی نەوتی خاو بۆ مانگی 11 گەیشتووەتە 106 ملیۆن و 593 هەزار و 352 بەرمیل.
 پەیوەست بە داهاتەکەشی وەزارەتەکە رایگەیاندووە: بڕەکەی بریتییە لە شەش ملیار و 595 ملیۆن و 300 هەزار دۆلاری ئەمریکی.

هەر بەپێی راگەیەندراوەکە: لەو بڕە حەوت ملیۆن و 583 هەزار و 733 بەرمیلی نەوتی هەرێمی کوردستان بووە و لە رێگەی بەندەری جیهانەوە فرۆشراوە.

PUKMEDIA