بڕی هەناردەی نەوتی عیراق بۆ ئەمریکا زیادیکردووە

میدیاکان

نەوتی عیراق

هەناردەی نەوتی عیراق بەشێوەیەکی بەرچاو بۆ ئەمریکا بەرزبووەوە ،ئەمەش دوای ئەوە دێت کە  لە هەفتەی پێشووتردا بڕی هەناردەی نەوت بەشێوەیەکی بەرچاو دابەزینی بەخۆیەوە بینی و لەماوەی ئەو هەفتەیەدا لە 435 هەزارەوە بۆ 75 هەزار بەرمیل دابەزی.

نزار شەتری بەڕێوەبەری گشتی کۆمپانیای بەبازاڕکردنی نەوتی عیراق ناسراو بە سۆمۆ رایگەیاند: هەناردەی نەوتی عیراق بۆ ئەمریکا هەفتەی رابردوو بۆ نزیکەی 435 هەزار بەرمیلی رۆژانە بەرزبووەوە، کە هۆکارەکەی بۆ جێبەجێکردنی چەند میکانیزمێک دەگەڕێتەوە.

وتیشی: عیراق بەشێوەیەکی گشتی لە ریزبەندی هەشتەمین هەناردەکاری نەوتە بۆ ئەمریکا و مانگانە سێ ملیۆن بەرمیل نەوت هەناردە دەکات.

 لە بارەی سەقامگیر بوونی بڕی هەناردەی نەوتیشەوە، بەرێوەبەری کۆمپانیای سۆمۆ رایگەیاند: سەقامگیر بوونی بری هەناردەی نەوت، هۆکارێکی سەرەکییە بۆ پتەوکردنی پەیوەندییە بازرگانییەکانی نێوان واشنتن و بەغدا، بەتایبەت لە کەرتی وزەدا.

زیادبوونی بری هەناردەی نەوتی عیراق بۆ ئەمریکا لەکاتێکدایە، کە بەپێی ئیدارەی زانیاریی وزەی ئەمریكا بڕی هەناردەی نەوتی عیراق بۆ ئەمریکا،لە هەفتەی پێشووتردا تەنیا 75 هەزار بەرمیل نەوتی رۆژانە بووە.



PUKMEDIA