رێورەسمی ناساندن و دابەشکردنی کتێبی (یەکێتیی نیشتمانیی کوردستان، بۆچی؟) بەڕێوەچوو

تایبەت

رێورەسمی ناساندنی کتێبی (یەکێتیی نیشتمانیی کوردستان، بۆچی؟)

ئەمرۆ لە رێورەسمێکدا، کۆڕی ناساندن و بەخشینی کتێبی (یەکێتیی نیشتمانیی کوردستان، بۆچی؟) لە نووسینی سەرۆک مام جەلال بەڕێوەچوو، لێپرسراوی بۆردی راگەیاندنیش ئاماژە بەوە دەکات:"هەڤاڵ مام جەلال لە کتێبەکەیدا ئاماژە بە دامەرزاندنی یەکێتی لەلایەن کۆمەڵێک تێکۆشەر و بیروباوەڕ جیاوازە دەدات ،کە کارێکی سەرپێیی نەبووە".

ئەمرۆ 28ی 5ی 2025، لەیۆبیلی زێڕینی یەکێتیی نیشتمانیی کوردستاندا بۆردی هۆشیاری لەساڵۆنی کوردستانی نوێ، کۆڕی ناساندن و بەخشینی کتێبی (یەکێتیی نیشتمانیی کوردستان، بۆچی؟)  لە نووسینی سەرۆک مام جەلال بە زمانی عەرەبی و وەرگێڕانی بۆ کوردی، شەهید ئارام سازکرد.

لە کۆڕەکەدا، لەتیف نێروەیی ئەندامی سەركردایەتی و لێپرسراوی بۆردی راگەیاندنی یەكێتیی نیشتمانیی كوردستان، رایگەیاند:"هەڤاڵ مام جەلال لەسەر دامەزراندنی یەکێتیی نیشتمانیی کوردستان لە  کتێبەکەدا ئاماژەی بەوەکردووە کە دامەزراندنی یەکێتی کارێکی سەرپێیی نەبووە، کۆمەڵێک کەسی بیروباوەڕ جیاواز و رەوتی جیاواز کەسانی تێکۆشەر و چەپ بیروڕایان ئاڵوگۆڕ کردووە و لە ئەنجامدا گەیشتوونەتە ئەو باوەڕەی حزبێکی نوێ دابمەزرێنن".

راشیگەیاند:"لەو کاتەدا بۆشاییەک هەبووە، ئەگەر ئەو بۆشاییە بەردەوام بێت، ئەوە نائومێد بوونی خەڵکی لەگەڵ هەوڵەکانی رژێم بۆ گۆڕینی دیموگرافیای کوردستان زیان بە خەڵک دەگەیەنێت".

 لەتیف نێروەیی رونیشی کردەوە:" بە سود وەرگرتن لەو کەرەستە مرۆیی و هێزەی کە بوونیان هەبوو، ئەمە یارمەتیدەر بوو بۆ دەستپێکردنەوەی شۆڕش".

 لە کۆتایی رێورەسمەکەدا، کتێبی (یەکێتیی نیشتمانیی کوردستان، بۆچی؟) بەسەر ئامادەبوواندا دابەشکرا.

PUKMEDIA