لەسێ ڕووداوی هاتوچۆدا کەسێک گیانی لەدەستدا و شەش کەس برینداربوون

PUKMEDIA

سێ رووداووی هاتووچۆ

پێش نیوەڕۆی ئەمڕۆ9ی6ی2026، سێ رووداوی هاتووچۆدا لە هەرێمی کوردستان روویداوە و بەهۆیانەوە کەسێک گیانی لەدەستداوە و شەشی دیکەش بریندار بوون.

 سەعات 6:30 دەقیقەی سەرلەبەیانی ئەمڕۆ، لەسەر شەقامی بازنەیی مەلیک مەحمود لە سلێمانی،ئۆتۆمبێلێک بە خێراییەکی زۆر خۆی کێشاوە بە یەکێک لە پایەکانی پردی دەباشان و لە ئەنجامدا میدیاکارێک گیانی لە دەستدا، کە لاناز کچی کوردۆ عەبدوڵڵای ناسراو بە کوردۆی شاعیر بوو.

هەر ئەمڕۆ، رووداوێکی ھاتوچۆ لە جۆری پێکدادان لەنێوان دوو ئۆتۆمبێل لە جۆری پیکاپ نیسان دەڵ و کیا دوو تەنی مۆتۆرس روویدا،کە بەپێی راگەیەندراوێکی هاتوچۆی سۆران،رووداوەکە لە گەلی عەلی بەگ روویداوە و بەهۆیەوە سێ کەس بریداربوون.

  لەلایەکی دیکەوە، سەعات 8:30ی دەقیقەی سەرلەبەیانی ئەمڕۆ، لەسەر رێگەی زاخۆ - سحێلا، بارهەڵگرێک کۆنتڕۆڵی لەدەستدا و خۆی بە گردێکدا کێشا بەهۆیەوە 3 کەس بریندار بوون.

 ئەمەش لەکاتێکدایە، دوێنێ هەڵکەوت عەزیز، پەیامنێری رووداو و پێشکەشکاری پێشووی دەزگای میدیایی کەرکوک، لە رووداوێکی هاتووچۆدا گیانی لەدەستدا، بەمەش لە ماوەی  24 سەعاتدا دوو رۆژنامەنوس بە رووداوی هاتوچۆ گیانیان لەدەستداوە.

PUKMEDIA