گەلاوێژ کۆتایی هات و خەڵاتەکان دابەشکران

PUKMEDIA

فێستیڤاڵی گەلاوێژ

بەدابەشکردنی خەڵاتەکانی فێستیڤاڵ، سێیەمین رۆژی 27 هەمین فێستیڤاڵی نێودەوڵەتی گەلاوێژ سەرکەوتووانە کۆتایی هات.

وتاری کۆتایی فێستیڤاڵ لەلایەن د. ئیبتسام ئیسماعیل سەرۆكی بنكەی گەلاوێژ خوێنرایەوەو رایگەیاند: "بەشایەتی بەشداربوان و هەموو ئەوانەی رای خۆیان داوە فێستیڤاڵەکەمان بە سەرکەوتووی ئەنجامدا و گەلاوێژ هەمیشە بەردەوام دەبێت و میمبەری هەموان دەبێت، سوپاسی ماندووبونی سەرجەم بەشداربوان و میوانەکانمان دەکەین".

"لەم فێستیڤاڵەدا 179 بابەت لە شیعر و لێکۆڵینەوەو چیرۆک بەشداربوون و لیژنەکانی هەڵسەنگاندن یەکەم و دووەم و سێیەمیان هەڵبژارد، پێتان رادەگەیەنین هەتا شکۆی وشە بەردەوام بێت گەلاوێژیش هەر بەردەوام دەبێت"، د. ئیبتیسام وای وت.

لەدەستپێکی دابەشکردنی خەڵاتەکاندا خەڵاتی زێڕینی گەلاوێژ پێشکەش بە شاعیری کورد جەمال غەمبار کرا و خەڵاتی زێڕینی کوردستان پێشکەش بە نوسەری عەرەب واسینی ئەعرەج کرا.

هەر لە فێستیڤاڵەکەدا خەڵاتی یەکەمی شیعر و لێکۆڵینەوەو چیرۆک پێشکەش بە نوسەران و ئەدیبانی بادینان کرا، کەبەم شێوەیە بوو:

خەڵاتی یەکەمی لێکۆڵینەوە پێشکەش بە رێبەر کوردۆ کرا
خەلاتی یەکەمی چیرۆک پیشکەش بە کاهین کانی کرا
خەڵاتی یەکەمی شیعر پێشکەش بە میللەت محەمەد موحسین کرا

هاوکات لە فێستیڤاڵەکەدا خەڵاتی یەکەم و دووەم و سێیەم بۆ شیعر و چیرۆک و لێکۆڵینەوە پیشکەشکرا کەبەم شێوەیە بوو:

خەڵاتی لێکۆڵینەوە:

خەڵاتی یەکەم ، سەروەت عەبدوڵڵا
خەڵاتی دووەم، شکار وەفا مەحمود
خەڵاتی سێیەم، محەمەد نەبی

خەڵاتی چیرۆک:

خەڵاتی یەکەم، عادل قادری
خەڵاتی دووەم، سوهەیب عەلی
خەڵاتی سێیەم، رەنج رەسوڵ رەزا

خەڵاتی شیعر:

خەڵاتی یەکەم، کەریم شەریف
خەڵاتی دووەم، ئەکرەم هەواس
خەڵاتی سێیەم، دڵشاد کاوانی

بەم شێوەیەش ئەمڕۆ شەممە کۆتایی هات بە 27هەمین فێستیڤاڵی نێودەوڵەتی گەلاوێژ، کەماوەی سێ رۆژی خایاند و چەندین چالاکی ئەدەبی و هونەری و لێکۆڵینەوەی تێیدا پیشکەشکرا و تێیدا فێستیڤاڵەكە میوانداری  12 توێژەری كوردو فارس و عەرەبی کرد.

PUKMEDIA